Uztailaren 3an eta 4an EuroBasquetik UPV/EHUko Udako Ikastaroen Fundazioaren (UIK) laguntzarekin antolatzen dugun 2025eko Udako Ikastaroaren ospakizuna egingo dugu. Ikastaro hau modalitate presentzialean emango da, Donostiako Miramar Jauregian, bai eta sreaming bidez ere, bertara joaterik ez dutenentzat.

Jardunaldia ingelesez eta gaztelaniaz izango da, aldibereko itzulpenarekin.

Udako Ikastaroko hitzaldiak ikusi

Ekitaldien bilduma

Ikastaroaren dezkribapena

“Bakearen eta Europar Batasunaren eginkizunaren ikuspegiak mundu multipolarrean: Brasil, Rusia, Mendebaldeko Africa, India, Pakistan eta Estatu Batuak” izenburua duen edizio honek, munduko hainbat lekutan dauden bakearen ikuspegiak bilduko ditu, gaur egun bakea ulertzeko moduari buruzko eztabaida bultzatzeko asmoz. Aldi berean, hausnarketa kritikoa egingo da egungo nazioarteko sisteman bakea eraikitzeko eta sustatzeko Europar Batasunaren zeregina zein izan daitekeen edo izan beharko lukeen argitzeko.

Helburuak

• Europar Batasunak bake-eragile gisa duen zereginari buruzko eztabaida kritikoa bultzatzea.
• Europako bakearen ikusmoldeak beste testuinguru kultural eta geopolitiko batzuetatik datozen ikuspegiekin alderatzea.
• EBk egungo nazioarteko sistema multipolarrean ekimenak gidatzeko duen gaitasuna aztertzea.

 

Ikastaro honek nazioarteko hizlari nabarmenak bilduko ditu —Brasildik, Errusiatik, Mendebaldeko Afrikatik, Indiako, Pakistanetik eta AEBetatik— eta Europako adituekin batera bakearen inguruko ikuspegi anitzak partekatuko dira. Gogoeta horrek Europar Batasunaren bake-ereduaren indarguneak eta gabeziak aztertzea du helburu, egungo testuinguru geopolitikoan kokatuta.

Ekitaldiaren inaugurazioan, Irune Zuluaga (EuroBasqueko Presidentea), Mikel Anton (Eusko Jaurlaritza), Ion Gambra (Gipuzkoako Foru Aldundia) eta Bakartxo Tejeria (Eusko Legebiltzarreko Presidentea) egongo dira.

Hizlari nabarmenen artean:

• Juca Ferreira, Brasilgo Kultura ministro ohia
• Pavel K. Baev, PRIO (Oslo) ikerketa-zentroko ikertzailea
• Levinia Addae-Mensah, WANEP (Mendebaldeko Afrika) zuzendaria
• Shubhra Sharma, Indiako enbaxadako kultur arduraduna
• Muhammad Adeel, Pakistaneko enbaxada (Brusela)
• Xabier Irujo, Euskal Ikasketen burua, Nevada Unibertsitatea
• Mira Milosevich, Errusia eta Balkanetarako ikertzailea, Real Instituto Elcano

Programak munduko hainbat eskualdetan bakearen ikuspegiari buruzko hitzaldiak, mahai-inguruak eta hausnarketarako guneak biltzen ditu, eta arreta berezia eskaintzen die ertzei eta ikuspegi feminista eta komunitarioei.

Egitarau osoaren esteka

Zuzendariak

Igor Filibi (UPV/EHU) eta Beatriz Pérez de las Heras (Deusto Unibertzitatea), EuroBasqueko Zuzendaritza batzordeko kideak.

Ekitaldi honetara etortzeko, ez ahaztu UIK-ren webgunean izena ematea.

Edozein zalantza baduzu, idatzi jardunaldiak@eurobasque.eus helbidera.

Read More

Joan den asteazkenean, ekainaren 4an, Gernikan ospatu genuen “Europar Batasuna: Bake-azterketen ikuspegi bat” izeneko jardunaldia.

EuroBasquetik Gernika Gogoratuz eta Europe Direct Bizkaiarekin batera antolatuta, Tica Font, Jesús A. Núñez eta Carmen Magallón-en hitzaldietaz gozatu genuen.

Hitzaldiek, ekitaldiaren ardatz nagusi gisa eta ordezkatzen dituzten erakundeen ikuspuntutik, oso eztabaida interesgarria eta aberasgarria ekarri zuten.

Tica Font, Bartzelonako J.M. Delàs Bakearen aldeko Ikasketa Zentroko Presidentea.

Carmen Magallón, ZaragozakoSIP (Bakerako Ikerketa Mintegia) Fundazioko Presidentea.

Jesús A. Núñez, Madrilgo Gatazkei eta Ekintza Humanitarioari buruzko Azterlanen Institutuko (IECAH) Zuzendarikidea.

Jardunaldi honetara joan ezin bazenuten edo hitzaldietaz berriro gozatu nahi baduzue, behean eskuragarri duzue ekitaldiaren bideo osorako esteka.

Jardunaldiaren bideoa ikusi

Egitarau osoa

Read More

EuroBasquek eta Eusko Legebiltzarrak antolatutako jardunaldia, “Krisiari aurre egiteko Europa bateratu bat” izenburupean, maiatzaren 7an izan da, asteazkenean, Eusko Legebiltzarreko Tomás Moro aretoan. Inaugurazioa Bakartxo Tejeria Eusko Legebiltzarreko lehendakaria eta Irune Zuluaga EuroBasqueko presidentea egin dute.

Topaketaren ardatz nagusia Europako bi parlamentari ohiren parte-hartzea izan da: García Margallo eta Ruiz Devesa. Europar Batasunaren egoerari eta gaur egun bizi dugun krisiari aurre egiteko erronkei buruzko esperientziak eta gogoetak partekatu dituzte. Bilera eta ondorengo eztabaida Igor Filibi EuroBasqueko idazkariak moderatu ditu.

Jardunaldiaren hasieran, Bakartxo Tejeria Eusko Legebiltzarreko presidenteak azpimarratu du: “egungo arrisku eta ziurgabetasun egoeran, Europaren batasun handiago baten aldeko apustua da etorkizunari berme osoz aurre egiteko modurik onena – bakarra –”.

Ildo horretan, Irune Zuluaga EuroBasqueko presidenteak, Tejeriaren hitzekin bat etorriz, azaldu zuen maiatzaren 9a “Esanahiz betetako data bat da, non Europako herrien arteko bakea eta batasuna ez ezik, europar sentitzen garen guztiok partekatzen eta defendatzen ditugun balio demokratiko, sozial eta kulturalak ere ospatzen ditugun”.

Ere azaldu du, Europa ez dela soilik esparru politiko edo ekonomiko bat: batez ere, elkarbizitza-proiektu bat dela, eta “ez da oroitzapen historiko bat bakarrik, 1950eko maiatzaren 9ko Schumango Adierazpena, 75 urte ospatzen dituena: Europar Batasunaren sorrerako balioekin dugun konpromisoa berritzeko gonbidapena da, giza eskubideekin, justizia sozialarekin eta aniztasuneko bizikidetzarekin konprometitutako Europa solidario horren parte aktibo izateko borondatea berretsiz”.

Zuluagak, halaber, honela jarraitzen zuen bere diskurtsoan: “testuinguru konplexu honetan, Europa esparru ekonomiko bat baino gehiago dela erakustera deitua dago: balioen komunitate politiko bat dela, bakea, justizia eta giza duintasuna defendatzen dituen eragile global bat. Eta ez bakarrik barrura begira, baita kanpora begira ere, oinarrizko eskubideak eta nazioarteko zuzenbidea errespetatuz. ”

Hala ere, joan den 2024a ez zen hain zuzen ona izan Europar Batasunarentzat, % 0,9 baino ez baitzen hazi, Alemania atzeraldian zegoela, Ukrainako gerra Europaren defentsaren eztabaidan, energiaren prezio altuetan eta Batasunaren sorrerako balioak zalantzan jartzen dituzten Batasuneko herrialde askotan finkatutako ezegonkortasun politikoan, Donald Trumpen lehendakaritzapean eta muga-zerga berrien mehatxupean Europar Batasunarentzat erronka handiak dituen Estatu Batuen merkataritza-politika ahaztu gabe.

Bertan, García Margallo eta Ruiz Devesa Europako parlamentari ohiek Europar Batasun batu eta indartsu baten aldeko apustua egin dute, krisi irekia gainditu ahal izateko.

Eusko Legebiltzarrak argitaratuko pretsa oharraren esteka

Hitzaldien bideoak ikusi

Read More

EuroBasquetik Europaren Eguna ospatzeko ekitaldiekin jarraitzen dugu eta, oraingoan, maiatzaren 10ean, larunbata, EUROPE DIRECT Bizkaiarekin batera egingo dugu. Europa herritarrengana gehiago hurbiltzeko eta Europar Batasunaren balioak eta programak modu atsegin, ludiko eta hurbilean zabaltzeko, “Europa trenez esploratu” ekimena antolatu da.

Bilboko kale batzuk zeharkatuko ditugu, txu txu tren baten gainean, eta geltoki batzuk egingo ditugu, nahi dutenek igo eta jaitsi ahal izan dezaten. Geltoki bakoitzean, Europako programa nagusiei, gazteentzako mugikortasun-programei, Europako balioei eta lankidetza-ekimenei buruzko informazioa eskainiko da, besteak beste.

Trenak ibilbide bera egingo du maiatzaren 10ean. Trena 11:00etan abiatuko da San Nicolaseko autobus geltokitik. Bilboko Kale Nagusia zeharkatuko du eta bertan egingo du lehen geldialdia 62. zenbakian. Ondoren, hasierako puntura itzuliko da, eta bertan egingo du berriro ibilbidea. Trenak 14:00etan utziko dio zirkulatzeari.

Proposamen honekin, Europaren Eguna ezagutzera eman nahi dugu eta Europar Batasunaren ezagutza sustatu, modu erraz, inklusibo eta ludiko batean.

Zuen zain gaude!

Read More

2025eko maiatzaren 7an, Europaren Eguna ospatuko dugu Eusko Legebiltzarraren egoitzan, Gasteizen, “Krisiari aurre egiteko Europa bateratu bat” izenekoa.

Hausnarketak entzuteko eta partekatzeko jardunaldi paregabea izango da, lehen mailako gonbidatuekin: José Manuel García Margallo (Europako Parlamentuko diputatu ohia eta Kanpo Harremaneko eta Lankidetzarako ministro ohia) Domènec Ruiz Devesa (Europako Parlamentuko diputatu ohia eta (UEF/EF) Europako Federalisten Batasuneko presidentea), beren lan-esperientziak partekatuko dituztenak ministerioaren buru gisa eta Europaren zerbitzura.

Bakartxo Tejeria (Eusko Legebiltzarreko lehendakaria) eta Irune Zuluaga (EuroBasqueko presidentea) irekiko dute ekitaldi hau 11:30-etan, ministro-ohien hitzaldiak eta gero, Igor Filibi (EuroBasqueko idazkari nagusia) moderatuko du geroagoko eztabaida, publokoari irekitako elkarrizketarekin.

 

Egitarauaren PDFa ikusi

Bertara joan nahi baduzu, izena eman dezakezu esteka honen bidez

Jardunaldi honi buruzko zalantza edo kontsultarik izanez gero, jarri harremanetan e-mail bidez jardunaldiak@eurobasque.eus helbidera idatziz.

Read More

EUROPE DIRECT Bizkaiak, Bilboko Udaleko Gazteria eta Kirolen Sailarekin, EuroBasquerekin, Europa Taldearekin eta Erasmus Student Network Bilbaorekin batera, “GAZTEDIGITALK: DESINFORMAZIOAREN ETA ERRADIKALIZAZIOAREN AROA jardunaldia antolatu du. Jardunaldia BilboRocken (Bilbo) egingo da maiatzaren 8an, ostegunean, 18:00etan.

Herritartasun Digitalerako Hezkuntzaren Europako Urtean oinarrituta, Europako Egunari buruzko jardunaldi honek erradikalizazio digitala nola gertatzen den eta hori geldiarazteko zer neurri har daitekeen arakatuko du.

Ekimen honek erradikalizazio digitala nola gertatzen den eta hura geldiarazteko zer neurri har daitezkeen aztertuko du. Hizlari bakoitzak prozesuaren funtsezko fase bat landuko du, hainbat esparruri buruzko ikuspegia eskainiz.

Solasaldia hiru gai handiren inguruan antolatuko da, baina formatua irekia eta dinamikoa izango da, hizlarien eta bertaratuen arteko elkarreragina ahalbidetzeko:

1. Muturreko diskurtsoak sare sozialetan eta gazteen artean duten eragina.
2. Desinformazioa manipulazio-tresna gisa.
3. Zibersegurtasuna eta erradikalizazioa, teknologiaren eta estremismo digitalaren arteko lotura arakatzen.

Besteak beste, honako hauek hartuko dute parte: Diego Martínek (Europako Batzordea Espainian ordezkatuz komunitate digitalen kudeaketako arduraduna), Quinndy Akeju (komunikatzailea eta ikertzailea. AFROCOLECTIVA komunikabidearen sortzailea eta koordinatzailea. Arrazismoaren aurkako aktibista, panafrikanista eta afrofeminista), Ana Ayerbek (zibersegurtasunean aditua eta CORES / DIGITAL-TECNALIAko zuzendaria) eta Patricia del Castañok (Euskal Herriko Unibertsitateko ikerlaria eta Europako Qyourself proiektuko kidea).

Jardunaldiaren amaieran, partaidetzarako, ideiak trukatzeko eta elkar ezagutzeko topaketa irekia egingo dugu. Gainera, elkarrekin modu informalagoan hitz egiteko aukera bikaina izango da, pintxo eta edariekin lagunduta.

Ekimenean parte hartzera gonbidatu nahi zaituztegu. Antolaketa- eta edukiera-arrazoiak direla eta, ezinbestekoa da izena ematea.

IZENA EMATEKO FORMULARIOA

Bertan elkar ikusiko dugulakoan,

Jaso ezazue gure agur beroa

Read More

Parte hartu Europar Batasuneko organoen simulazio batean!

Datorren apirilaren 7tik 11ra arte VI MEU Basque Country ekitaldia ospatuko da, Bilboko Bizkaia Aretoan.

Ekitaldia, EuroBasquek | Europako Mugimenduaren Euskal Kontseilua, UPV/EHUko eztabaida-elkarteak, UPV/EHU eta Europa Direct Bizkaia antolatzen dute.

MEU EBko Parlamentuaren lana birsortzen duen simulazioa da. Astebetez, funtsezko rola beteko duzu, proposamenak eztabaidatuko dituzu eta politika barrutik biziko duzu.

Aukera paregabea da eztabaidatzeko, negoziatzeko eta jendea ezagutzeko!

 

IZENA EMAN HEMEN

Read More

Datorren ostiralean, martxoak 14, lehen «Europaren aldeko Kontzertua» izango da, Piano Week 2025 ekimenaren baitan. Euskal herritarrei Europako kulturaren ondarea eta aniztasuna musikaren bidez hurbiltzea bilatzen duen musika-ekitaldia, Bilboko Elkarte Filarmonikoa bezalako gune enblematiko batean.

Piano Week-a Bilboko Koral Elkarteak sustatutako ekimena da, artista gonbidatuen piano emanaldiak eta ikastetxeko ikasleen talentu berria uztartzen dituena, musika-aberastasun handiko kultur astea eskainiz.

Ekimen honekin, EuroBasquek eta Bilboko Koral Elkarteak Europako kultura musikaren bidez sustatzeko hiru urterako sinatutako akordioaren ondoren, topagune bat sortu nahi da, non musikak, hizkuntza unibertsal gisa, lotura kulturalak indartuko dituen eta herrien arteko ulermena eta batasuna sustatuko dituen. Gazteen ikuspegi bereziarekin, proiektuak Europako musika-ondare aberatsa zabaldu eta baloratu nahi du, belaunaldi berriei mugak gainditzen dituen elkar ulertzeko bide bat aurkitzen lagunduz.

“Europaren aldeko Kontzertua” Leonel Morales nazioarteko pianista ospetsuaren errezitaldia izango da , Chopin, Beethoven eta Stravinskyren konposizioak interpretatuko dituena.

Ekitaldi honek, 2025eko martxoaren 14an egingo da, Bilboko Elkarte Filarmonikoan eta ez da ekitaldi musikal bat bakarrik izango, baizik eta Europako integrazio kulturalarekiko konpromisoa ere.

EGITARAUA IKUSI

Read More

Joan den asteburuan, Bilboko Euskalduna Jauregia izan zen “Makroeskualde Atlantikoa: maila anitzeko eremu atlantikoa egituratuz” jardunaldiaren eszenatokia, EuroBasquek antolatuta, Espainiako Mugimendu Europarraren Kontseilu Federalarekin (CFEME) lankidetzan. Jardunaldiaren helburua atlantikoko espazioaren erronkak eta aukerak identifikatzea zen, maila anitzeko testuinguruan, baita Makroeskualde Atlantikoko estrategiaren onarpena eta garapena lortzeko hurrengo urratsak zehaztea ere.

Ekitaldia Ander Caballero Eusko Jaurlaritzako Kanpo Ekintza eta Estrategia Globaleko Idazkari Nagusiak, Francisco Aldecoa CFEMEko presidenteak, eta Irune Zuluaga EuroBasqueko presidenteak inauguratu zuten.

Hizlari gisa parte hartu zuten: Luis Miguel Pariza, EBko Ekonomia eta Gizarte Komitea 1998-2016, Espainiako UEFko lehendakariordea, Mikel Antón, Europako Gaietarako zuzendaria, Eusko Jaurlaritza, Guillermo Miró Madariaga, Bilboko Merkataritza Ganberako Zuzendaritzaren albokoa. Eskualde Atlantikoetako merkataritza-ganberak, Javier Muñecas, Euskadiko Ekonomia eta Gizarte Arazoetarako Batzordea – Eskualde atlantikoetako EGAB Sarea eta Kepa Korta, Donostiako Estrategia Bulegoko zuzendaria, eta ATLANTIC-CITIESeko lehendakariordea.

Bertaratutako publiko ugariaren artean, euskal erakundeetako, Atlantikoko sareetako eta gizarte zibileko erakundeetako ordezkariak izan ziren, baita Espainiako estatuan Mugimendu Europarraren hainbat kontseiluetako kideak ere.

Ekitaldi honek EuroBasqueren eta CFEMEren konpromisoa berretsi zuen, Europako loturak sendotzeko eta Atlantikoko eremua garatzeko estrategia bateratuak artikulatzeko helburuarekin. Ildo horretan, CFEMEk Atlantikoko makroeskualdeari babesa adierazteko Adierazpen garrantzitsu bat onartu zuen.

–

Makroeskualdeak: Europako integrazioaren dimentsio berria

EBko estatu txikiek beti koordinatu izan dituzte beren estrategiak, Bruselan duten pisua eta eragina biderkatzeko. Beneluxeko hiru herrialdeek (Belgika, Herbehereak eta Luxenburgo) beti koordinatu izan dituzte beren erabakiak, eta horrek, pisuaren arabera dagokiena baino eragin handiagoa izatea ahalbidetu die. Batasunetik kanpo, herrialde nordikoek eta baltikoek ere lankidetzan aritzeko tradizio sendoa izan dute, eta hori garatzen jarraitu dute Europar Batasunean sartu ondoren.

Lankidetza-esparru horiek oso erabilgarriak izan dira hainbat estatuk partekatzen dituzten erronkei aurre egiteko eta politika batzuk koordinatzeko, baina EB osoari ez diotenez eragiten, ez litzateke justifikatuko politika komunitario bat ezartzea.

Horrela, 2009an Itsaso Baltikoko eremurako lehen makroeskualde-estrategia sortu zen. Haren eredua jarraituz, 2010ean Danubio ibaiaren arroko eskualdeak bildu zituen beste bat onartu zen. Horien ondoren, Adriatiko-Joniko (2014) eta Alpeetako (2015) makroeskualdeak sortu ziren.

Makroeskualdeko estrategiak eta lankidetza eta plangintzarako esparru politikoak sortzea Europako integrazioaren garapen berritzaileenetako bat dira. Ezaugarri nabarmen batzuk dituzte: ez dute egitura instituzional edo aurrekontu berririk sortzen; EBko funtsekin finantzatutako proiektuen koordinazioa ahalbidetzen dute; parte hartzen duten estatu eta eskualdeek osatutako batzorde batek gobernatzen ditu; eta EBko kide ez diren estatuetako eskualdeen parte-hartzea ahalbidetzen dute, inguruko estatu batzuekin lankidetza-aukerak eskainiz (Norvegia, Suitza, Turkia, etab.).

Informazioa: Europar Batasuna, 20minutos

Testuinguru horretan, duela urte batzuk Makroeskualde Atlantikoaren proiektua lantzen hasi zen, Espainia, Portugal eta Frantziako gobernuek, eskualde atlantikoetako gobernuek, hiri atlantikoen sareek (Atlantic Cities) eta gizarte zibilak (merkataritza-ganberak, kontseilu ekonomiko eta sozialak, unibertsitateak, etab.) sustatuta.

Azkenaldian proiektu honek indarra hartu du EBren agendan, eta X. Lurralde Kontseilua Bilbon ospatzen dela kontuan hartuta, EuroBasquek, CFEMErekin lankidetzan, proiektu honen azterketa sakona egitea egokitzat jo du. Horrek itsasertzeko eskualdeen arteko lotura sendotzen lagunduko du eta Europako integrazioa indartuko du.

–

Behean aurkituko dituzu Igor Filibi eta Luis Miguel Parizak idatzitako ondoriozko dokumentuetarako estekak, grabatutako bideoaren YouTubeko esteka eta egun horretan ateratako argazki-galeriarako esteka zuzena:

“…Azken urteotan, Atlantikoko espazio hau egituratzeko eta interes komuneko hainbat proiektu garatzeko baliagarria izan daitekeen makroeskualde-proiektu bat bultzatu da. Atlantikoko Makroeskualdearen proiektua Espainiako, Portugalen eta Frantziako gobernuek babestu dute, baita Atlantikoko eskualdeetako hainbat gobernuk, Atlantikoko Hirien Sareak eta gizarte zibilaren hainbat erakundek ere (merkataritza-ganberak, kontseilu ekonomiko eta sozialak, unibertsitateak, enpresa-sektoreak, etab.).”

AGIRIA IRAKURRI -Europak federalismoan aurrera egin behar du

“…Europar Batasunak guztiz kontzientzia hartu beharko luke Europak eta Estatu Batuek dituzten ikuspegi etikoak gero eta gutxiago dutela amankomunean eta progresiboki urruntzen ari direla, ez baitatoz bat ez beren balioetan, ez interesetan, ezta biek munduari buruz duten ikuspegian ere…”

AGIRIA IRAKURRI – Makroeskualde Atlantikoa – X. Lurralde Kontseilua Bilbo

LUIS MIGUEL PARIZA ETA IGOR FILIBI IDATZITAKO ONDORIOAK IRAKURRI

JARDUNALDIAREN BIDEO OSOA IKUSI

EKITALDIAREN ARGAZKIAK IKUSI

 

Read More

Eurobasketik eta Europako Mugimenduaren Espainiako Kontseilu Federalaren laguntzarekin (CFEME) antolatutako jardunaldia datorren otsailaren 21ean goizeko 10:00etan izango da, Euskalduna Jauregian (Bilbo). “Makroeskualde atlantikoa: Maila anitzeko eremu atlantikoa egituratuz” jardunaldia izango da.

Entzun ahal izango ditugun hizlariak:

• Luis Miguel Pariza
• Mikel Antón
• Guillermo Miró Madariaga
• Javier Muñecas
• Kepa Korta

Ekitaldira, aldez aurretik erreserbatutako plazarekin joan behar da. Jardunaldi hau interesatzen bazaizu, izena eman formularioaren botoian sakatuz.

Zeren zain zaude? ¡IZENA EMAN!

 

Ikaslea bazara eta bertaratze-ziurtagiri edo -diploma bat behar baduzu, jardunaldia amaitu eta gero eskatu ahal izango diguzu jardunaldiak@eurobasque.eus helbidera mezu bat bidaliz, izena emateko formularioan emandako datu pertsonalak adieraziz (izena, abizena…)

 

Makroeskualdearen eta haren garrantziaren aurkezpen labur eta zehatza

EGITARAUA

IZENA EMAN ESTEKA HONETAN

JARDUNALDI HONEN BERRIA IRAKURRIEurobasketik eta Europako Mugimenduaren Espainiako Kontseilu Federalaren laguntzarekin (CFEME) antolatutako jardunaldia datorren otsailaren 21ean goizeko 10:00etan izango da, Euskalduna Jauregian (Bilbo). “Makroeskualde atlantikoa: Maila anitzeko eremu atlantikoa egituratuz” jardunaldia izango da.

Entzun ahal izango ditugun hizlariak:

• Luis Miguel Pariza
• Mikel Antón
• Guillermo Miró Madariaga
• Javier Muñecas
• Kepa Korta

Ekitaldira, aldez aurretik erreserbatutako plazarekin joan behar da. Jardunaldi hau interesatzen bazaizu, izena eman formularioaren botoian sakatuz.

Zeren zain zaude? ¡IZENA EMAN!

 

Ikaslea bazara eta bertaratze-ziurtagiri edo -diploma bat behar baduzu, jardunaldia amaitu eta gero eskatu ahal izango diguzu jardunaldiak@eurobasque.eus helbidera mezu bat bidaliz, izena emateko formularioan emandako datu pertsonalak adieraziz (izena, abizena…)

 

Makroeskualdearen eta haren garrantziaren aurkezpen labur eta zehatza

EGITARAUA

IZENA EMAN ESTEKA HONETAN

JARDUNALDI HONEN BERRIA IRAKURRI

Read More