“Adimen artifizialaren Europako araudia: aintzinadaria den legearen inplikazio eta erronkak” jardunaldia

EuroBasquek, Europe Direct Bizkaiarekin lankidetzan, “Adimen artifizialaren Europako araudia: aintzinadaria den legearen inplikazio eta erronkak” jardunaldia antolatu du. Datorren otsailaren 23an, ostirala, egingo da, 15:30etan, Euskalduna Jauregian (Bilbo).
Bertan izango dira, besteak beste, Igor Filibi (EuroBasqueko idazkari nagusia), Iván Garcia (Eurodiputatua, Europako Parlamentuko negoziazio-taldeko kidea IAren Europako Legearen hirulogoetan) eta Leire Escajedo (Konstituzio Zuzenbideko eta Pentsamendu Politikoaren Historiako irakasle titularra EHUn).

Jardunaldiaren hasieran harrera eta kafea izango dira. Irekiera ekitaldia Irune Zuluagak (EuroBasqueko lehendakaria) eta Itziar Fernándezek (EUROPE DIRECT Bizkaia-ko arduraduna) osatuko dute.

Antolaketa- eta edukiera-arrazoiengatik otsailaren 22a baino lehen izena ematea ezinbestekoa den ekimen honetan parte hartzera gonbidatzen zaituztegu.

IZENA EMATEKO FORMULARIOADESKARGATU JARDUNALDIAREN EGITARAU OSOA

Etorriko zaretela espero dugu.

Read More

UNIVERSITAS | Europari buruzko ikerketa saria 2024

EuroBasquek 2001. urtean erabaki zuen, bere 50. urteurrena ospatzen ari zela, Ikerketa Sari bat sortzea, Francisco Javier de Landaburu Universitas izenaz, 1951n sortutako EuroBasqueko lehen Zuzendaritza Batzordeko kide eta Europako gaien aztertzaile eta intelektual nabarmenaren oroimenez.

Sari hau urtero deitzen da eta bere helburua da:

  • Deialdia egiten den unean herritarrentzat interesgarrienak diren Europako gaurkotasuneko alderdiei buruzko azterlanak eta hausnarketak sustatzea;
  • Ikerlariak animatzea aztergaia Europako integrazio-prozesuan zentratzera
  • EBren etorkizunari buruzko eztabaida bizirik mantentzen laguntzea, gure ekonomia, gizarte eta antolaketa politikoan gertatzen ari diren aldaketa handiei aurre egiteko prest egon daitezen.
  • EuroBasqueren nortasuna, xedeak eta jarduerak zabaltzea eta bere helburuak lortzen lagunduko duten ikerketak saritzea.

XXIII. Europari buruzko ikerketa saria Francisco Javier  Landaburu UNIVERSITAS 2024 

  • Egiten duena: EuroBasque. Europako Mugimenduaren Euskal Kontseilua.
  • Partehartzaileak: Unibertsitateko titulazioa duten pertsona fisikoak, saria, bai norbanakoentzat, bai horretarako prestatutako lantaldeentzat.
  • Gaia: “EMAKUMEEK EUROPAREN ERAIKUNTZARI EGINDAKO EKARPENA”
  • Lanak:: Ikerketa proiektu bat izango da. Sarituz gero, ikerketa proiektua saiakera gisa garatu beharko da, edozein ikuspegi zientifikotik, eta “emakumeek Europaren eraikuntzari egindako ekarpena” ikergaitzat dutenak.

Sariaren diru-hornidura honako kategoria hauetan bereiziko da:

  • LEHEN SARIA:  5.000 euro ikerketa-proiektu onenari.
  • GAZTE SARIA: Euskal unibertsitate-sistemako gazte-saria: 2.000 euro, ikerketa-proiektua entregatzen den egunean (2024ko martxoaren 15ean) 35 urte edo gutxiago dituen gazte baten ikerketa-proiektu bat.
  • AKZESITA: 2.000 euro, epaimahaiak hautatutako ikerketa-proiekturako.

Argitaratzea:

Saritutako ikerketa-proiektuen emaitzak publiko egingo dira eta EuroBasquek eta UPV/EHUko Argitalpen Zerbitzuak batera argitaratutako Europa Bilduman zabalduko dira.

 

AURKEZTEKO EPEA  2024ko MARTXOAK 15

KONTSULTATU SARIAREN LEGEZKO OINARRIAK

Read More

IES Minas (Barakaldo), Axular Lizeoa (Donostia) eta Corazonistas de Vitoria (Gasteiz) ikastetxeek irabazki dituzte aurtengo Francisco Javier Landaburu Civis sariak.

EuroBasquek eta Hezkuntza sailak elkarlanean deitutako 2023 Civis Sarian, parte-hartzaileek 1-3 minutu arteko bideoak aurkeztu dituzte Europar Batasunaren ikuspegiak eta balioak landuz.

 A kategorian (DBH 1 eta DBH 2) Barakaldoko IES Minaseko taldea izan da irabazle. Taldea osatzen dute: Tania Montaña Álvarez Iratxe Ruiz de Alegria-Puig irakasleek eta Eder Bares Gallo, Andrea Brull Pana, Chloe Chay García, Julen González Iturburu, Ekain Madinaveitia González, Nahia Rodríguez Quintela, Alex Rosado Saez de Langarica, Diego Roy Espiñeira, Ivonne Santa Cruz Vera, Uxue Villar Pino, Lidia Nikolaidis Monge, Erlantz Ruiz Marzal eta Jule Tajada Sierra ikasleek.

Halaber, epaimahaiak erabaki du B Kategorian (DBH 3 eta 4) Donostiako Axular Lizeoko  irakasle Itxaso Mallabiabarrena Acerecho eta Martín Arraztio, Maria Arraztio, Iker Lopetegui, Katixa Soroa Nahia Echenagusia ikasleek aurkeztutako bideoa irazbale gisa saritzea.

Jarraitzeko, C kategorian (Batxilergoa) Corazonistas de Vitoriako Lucia Becares eta Ainhoa Cantero ikasleak eta Patxo Sans irakaslea izan dira sarituak.

Azkenik, publikoaren saria Corazonistas de Vitoriako Arrate Bernabé, Ixone Basterra eta Ane Rodrigo ikasleek eta Patxo Sans irakasleek eskuratu dute.

Ikasle talde irabazleek 500 €ko ordainsaria jasoko dute eta irakasleek 300 €. Irabazle eta finalista orok motxila bana jaso dute eta eskola guztiek Europako bandera eta mapa jaso dute. 

Aipamen berezia egin nahi da B eta C kategorietan finalista sailkatutako taldeei, haien lanak ere osotik beti baituzte sariaren oinarriak:

LOURDESKO AMA IKASTETXEA, ELORRIO (DBH 3), Igor Basterretxea (irakaslea), Alain Arietaorbe Farfan, Luis Cabrera Gamboa, Kaled Santiago Ledezma Laime.

CORAZONISTAS DE VITORIA IKASTETXEA (1. BATX), Patxo Sans (Irakaslea), Arrate Bernabé, Ixone Basterra, Ane Rodrigo.

Epaimahaiak oso modu positiboan baloratu ditu lan sailkatuak eta irabazleak eta gazteen proposamenak: balio demokratiko europarrak defendatzeko egokitasuna nabarmendu du. 

Saritutako lanak eta sari-emate ekitaldiko argazkiak EuroBasqueko eta Hezkuntza sailaren webgunean argitaratuko dira,

Zorionak irabazleei eta eskerrik asko parte hartu duzuon guztioi EuroBasquen izenean. 

IKUS ITZAZU BIDEO FINALISTAK ETA SARITUAK

Read More

Civis sariko bideorik onena bozka dezakezu: Europa gara!

Pozik gaude gure hezkuntza-komunitateri aukera zirraragarri bat iragartzeaz eta XVII. Civis 2023 Sarian parte hartzen duten bigarren hezkuntzako euskal ikasleen bideorik onena zein den elkarrekin erabakitzeko. Lehiaketa hau gure gazteen sormena eta talentua erakusteko modu zoragarria da. Izan ere, Europari buruz egin dituzten bideo bikain hauek ikustera gonbidatu nahi zaituztegu.

Hurrengo estekan sartu eta gaurtik 2023ko abenduaren 3ra arte zuen bideo gogokoena bozkatu besterik ez duzue egin behar.

BOZKETA PUBLIKOA | XVII Civis 2023 SariaBoto gehien jasotzen dituen bideoa publikoaren sariaren irabazletzat joko da, abenduaren 4an jakinaraziko da eta datorren abenduaren 13an Bilbon egingo den sari-banaketara gonbidatuko dute.

Are zirraragarriagoa izan dadin, publikoaren boto gehien jasotzen duen bideoaren irabazleek, talde bakoitzeko 500 euroko bonoa eta diploma jasoko dute. Sarian parte hartu duzuen guztiak animatzen zaituztegu zuen hautagaitza sare sozialetan partekatzera #CivisEuropa traola erabiliz, zuen bideoaren ikusgarritasuna eta babesa areagotzeko.

Zenbat eta gehiago, orduan eta hobeto. Ez izan zalantzarik lehiaketa hau zure senide, lagun eta irakasleekin partekatzeko.

Eskerrik asko zuen gogo eta laguntzagatik. Gure hezkuntza-komunitateak bigarren hezkuntzako eta batxilergoko gazteek sortutako lan zoragarriak ezagutzeko irrikan gaude!

Read More

Europako Gaien Euskal Agenda baten oinarriak. Hausnarketarako eta eztabaidarako dokumentu bat

Europaren etorkizunari buruzko hausnarketa-prozesuak ekarpen ugariak eta oso garrantzitsuak egin ditu, bai Europar Batasunean (Europako Parlamentua, Europaren Etorkizunari buruzko Konferentzia, Europako Batzordea, Eskualdeen Batzordea, etab.), bai Estatuan (Herritarren Panel Nazionala CoFoE-ri dagokionez), eta baita Euskadin (Eusko Jaurlaritza, EuroBasque, etab.) ere.

EuroBasquek ahalegin handia egin du gogoeta egiteko eta gizarte zibila mobilizatzeko, proposamen eta gomendio ugari eskeintzeko. Orain, hausnarketa-prozesu horri amaiera emateko, Europako gaiei buruzko Euskal Agenda egiteko oinarri izan daitekeen dokumentu bat eskaini da.

Dokumentuaren filosofia Europa federala eta soziala bultzatzea da, batua, munduan ditugun balioak eta interesak defendatzeko aukera emango duena. Hau da, funtzionatuko duen Europa eraikitzen laguntzea, eta Batasun eraginkor horren barruan Euskadiren interesak defendatzea.

Horregatik, dokumentu konstruktiboa da. Jakina, dokumentuan sar zitezkeen beste gai asko ere egongo ziren, eta hortik dator izenburua: hausnarketa-dokumentu bat da, eta agenda zehatz baten definizioari buruzko eztabaida irekitzea du helburu. Eurobasquen barruan adostasun handia lortu duten gai posible batzuk baino ez dira horiek. Hala ere, etorkizunean zabaldu edo garatu daiteke.

Testua egiteko, kontuan hartu dira Europako Batzordeak 2019-2024 aldirako dituen lehentasunak1 eta EBko Kontseiluaren 18 hilabeteko Programa2, arreta berezia jarriz EBko Kontseiluaren Espainiaren Lehendakaritzaren lehentasunei3. Era berean, aintzat hartu da “Europar Batasuna Gerra Hotz Berriaren garaian” manifestua4, Europako hainbat pertsona ezagunek bultzatuta. 2023ko uztailean Espainiaren Lehendakaritzaren hasierak, datorren Belgikaren lehendakaritzarekin batera, barne-antolamendu konstituzionalek ezarritako legegintza-eskumenak eta nazionalitateak dituzten bi estaturi dagozkienak alegia, aukera egokia ireki du EBrako asmo handiko agenda demokratiko, federal eta eskualdekoa garatzeko.

Dokumentu honen helburua aukera-leiho hori aprobetxatzea da, bai eta euskal eragile politiko eta sozialen Europako agenda definitzen laguntzea ere, 2024ko Europako hauteskundeen eta Tratatuen erreforma-prozesua irekiko duen balizko Konbentzioaren ikuspegitik.

Read More

Jardunaldia “EB-ren zabalkuntza: Espainiko presidentziaren lehentasunak eta euskal agenda”

(Asteazkena, 2023ko azaroak 8,  18:30 h., Euskalduna Jauregia, Bilbo)

 Atzo, Europako Batzordeak EB 2023 zabaltzeko paketea onartu zuen egunean, Moldaviako enbaxadoreak eta Ukrainako Enbaxadako ministro kontseilariak gogoeta egin zuten Bilboko Euskalduna Jauregian, Moldaviak eta Ukrainak, kide izateko herrialde hautagai gisa, EB zabaltzeko prozesua nola ikusten duten azalduz.

80 pertsona batu zituen topaketa EUROBASQUEk antolatu zuen, Europe Direct Bizkaiarekin lankidetzan, eta Europar Batasunerako hautagai diren herrialde bi hauen eskura foro bat jarri zuen herrialde horiek EBren zabalkunde-prozesuari buruzko beren ikuspegia eman zezaten, EB-erako integrazio prozesurako egun giltzarrian, izan ere, Europako Batzordeak 2023ko handitze-paketea onartu baizuen, besteak beste, Ukrainarekin eta Moldaviarekin negoziazioak hastea gomendatuz.

Jardunaldiaren lehen mahaian Adrián Lasa jaunak, Europako Batzordeko Communication Officer, parte hartu zuen, eta Europar Batasunaren 2024rako lehentasunen gakoak aurkeztu zizkigun, EB zabaltzean arreta berezia jarriz, eta Igor Filibi EuroBasqueko idazkari nagusi eta UPV-EHUko Nazioarteko Harremanen irakasleak EuroBasqueko “Europako gaietarako Euskal Agenda baterako oinarriak” hausnarketa-dokumentua aurkeztu zuen.

Europaren integraziorako egun historiko honetan, Dmytro Matiustxenko, Ukrainak Espainian duen enbaxadako ministro aholkularia, Ukrainak EBrekin bat egiteko duen konpromiso ezeztaezin eta irmoaz mintzatu zitzaigun. Nabarmendu zuenez, Ukrainak, egun Batasuneko kide den beste edozein herrialdek inoiz ikusi ez dituen erronka handiekin, urte eta erdian lan handia egin du herrialde hautagaiaren maila lortu zuenetik, eskatutako erreformak eginez eta Batzordeak 2022an planteatutako zazpi baldintzak betez, gobernantzan oraindik hobekuntzak egiteke daudela onartuta. Era berean, Ukrainako gizarte zibilak EBren atxikitze prozesuari ematen dion babes handia azaldu zuen: ukrainarren % 92 EBn sartzearen alde egongo lirateke, eta % 89 NATOko kide bihurtzearen alde. Ondorio gisa, Matiuschenko jaunak aldarrikatu zuen Ukrainak EBren balioen eta helburuen alde egin duela, eta garrantzitsua dela EBren erreforma-prozesura edo Ukrainaren erreforma teknikoetara atxikitzea ez baldintzatzea. Azkenik, Ukrainak ekarpen handia egingo du Batasunaren etorkizunerako funtsezkoak diren gaietan, besteak beste, zibersegurtasuna, elikadura-autosufizientzia, munduko elikagaien lehen bost hornitzaileetako bat izanik, eta hidrogeno berdea bezalako lehengaien erreserba-iturri gisa, hain beharrezkoak baitira trantsizio ekologikorako eta Europako deskarbonizazioa lortzeko.

Eugeniu Revencok, Moldaviak Espainian duen enbaxadoreak, bere herrialdea Europar Batasunera atxikitzeko prozesuaz hitz egin zigun, hizkera latinoa duen eta EBtik kanpo dagoen herrialde bakarra izanik. Moldova, Ukraina eta Errumaniak partekatutako historiaz, geografiaz eta geopolitikaz hitz egin zigun, baita errusiar esku-sartzeagatik aurre egin behar dioten erronkez ere, moldaviako konstituzioa eta 1992an sinatutako bake-akordioak bera bete gabe: Errusiak kontingente militar bati eusten dio, eta Transistriako gatazka sezesionista finantzatzen eta armatzen du; gatazka horren deseskalatzean lan egiten dute, eta, aldi berean, erabaki demokratikoen prozesuetan sartzen saiatzen da. Nolanahi ere, nabarmendu zuen 2022tik aurrera egindako konbergentzia-lanak eta eraldaketak, eta lankidetza estua Frontex, EuroJust, Hub Moldavia-EBrekin, Europako energia-azpiegiturarekin, eta, beraz, 90eko hamarkadan EBra atxikitzen hasi ziren herrialdeetan baino askoz aurreratuago dagoela “acquis communautaire delakoa.

Jardunaldia azaroaren 8an ospatu, asteazkena, eta Euskalduna Jauregiko (Bilbo) 5H Terraza Aretoan egingo da, 18: 30etik aurrera.

Honekin batera doa jardunaldiaren egitaraua.

Read More

PARTE HAR EZAZU! XVII. Francisco Javier Landaburu CIVIS Saria 2023

Ospatu dezagun alkarrekin Europarrak garela!

Europar Batasunean dauden zenbat eztabaida eta arlo garrantzitsu hezkuntzaren arlora ekartzeko asmoz, EuroBasquek Francisco Javier de Landaburu Civis saria eskaintzen dio Euskadiko ikastetxeetan Europar Batasunaren inguruko ekintzak sustatzeko, ikasleek hau hobeto ezagutu dezaten.

Sari honen bidez, gazteen arten Europar Batasuneko baloreak zabaldu nahi ditu, EuroBasquek sustatu nahi dituenak, hain zuzen ere: giza duintasuna, askatasuna, demokrazia, berdintasuna, zuzenbidea eta giza eskubideak.

Deialdia

  • Deialdia egiten duena: EuroBasque. Europako Mugimenduaren Euskal Kontseilua.
  • Laguntzaileak: Eusko Jaurlaritzako Hezkuntza saila.
  • Parte hartzaileak: Euskal ikastetxeetako Bigarren Hezkuntzako ikasleak.
  • Gaia: Europarrak gara!
  • Lana: Parte hartzen duten ikasleek bideo laburra egin beharko dute, izenburu edo mezu batekin batera.
  • Bidalketa-formatua: Online

Sariak:

  • 6 finalista: oparia eta diploma bat jasoko dute.
  • 3 irabazleak: oparia, diploma bat eta 500 eurotan baloratutako opari bat jasoko dute
  • Hiru irabazleen irakasleek 300€ jasoko dituzte.
  • Publikoaren sari berezia.

AURKEZTEKO AZKEN EGUNA: 2023ko AZAROAREN20a

SAR ZAITEZ ONLINE OINARRIEN WEBGUNERA

Read More

SAVE THE DATE: Azaroak 8, “EB zabaltzea: Espainiaren lehendakaritzaren eta euskal agendaren lehentasunak” jardunaldia

Datorren azaroaren 8an, asteazkena, 18: 30etan, “EB zabaltzea: Espainiaren lehendakaritzaren lehentasunak eta euskal agenda” jardunaldia egingo dugu Bilboko Euskalduna Jauregian, Europe Direct Bizkaiarekin lankidetzan. Parte hartuko dute, besteak beste, Eugeniu Revenco Moldaviak Espainian duen enbaxadoreak, Dmytro Matiuschenko Ukrainako enbaxadako ministro kontseilariak, Adrián Lasa Europako Batzordeko Komunikazio Teknikariak.

Parte hartu nahi duten pertsonak esteka honetan izena-ematea beharrezkoa da.

Betiko programa

Zuen parte-hartzea izatea espero dugu

Read More

EuroBasquek Europaren Eguna ospatzen du, eta bi ekitaldi egiten ditu berdintasunaren eta zuzenbide-estatuaren alde, jardunaldiaren ardatz gisa

Eusko Legebiltzarreko lehendakariak, Bakartxo Tejeriak eta Irune Zuluagak, EuroBasqueko presidenteak, Europar Batasuna eta Balioak: emakumeen eta gizonen arteko berdintasunik gabe ez dago Europa, ezta demokrazia ere, izeneko jardunaldiak inauguratu zituzten.

Jardunaldien izenburutik ondorioztatzen denez, aurten berdintasuna eta zuzenbide-estatua dira Bakartxo Tejeria Eusko Legebiltzarreko presidenteak inauguratu duen ekitaldiaren ardatzak.

Bere hitzaldian, Eusko Legebiltzarreko presidenteak “ezbeharren aurrean batuta eta balioen gainean eraikita” dagoen Europaren alde egin du. Azpimarratu duenez, “gizabanakoaren eta gizataldeen eskubideak errespetatzea, bai eta gizarte eskubideak ere, Europar Batasunaren sustraian da”. “Zutabe horien gainean altxatu da Europa, demokraziaren eta giza eskubideen balioetan oinarrituta, nazioak eta herriak beren nortasun eta kultura propioarekin proiektu erkide batean elkartuta”, gaineratu du.

Europar Batasunaren proiektua bakea eraikitzeko eratu zela” gogorarazi ostean, “Errusiak Ukrainari egindako erasoaren amaiera” aldarrikatu du. Ildo horretan, adierazi du “gerrak amaitu behar duela eta hori gertatzen denean Europar Batasunak Ukraina laguntzen jarraitu beharko du, desegindakoa berreraikiz eta Europa den etxe komunean elkarrekin bizi nahi duten herri eta nazioak bere baitan hartuz”.

Etorkizuna Europa da, bere aniztasunean elkartuagoa den Europa eta horrek Batasunaren oinarrizko lotura ekonomiko, kultural eta politikoak indartzea eskatzen du; eta horretarako, Europak berretsi egin behar ditu askatasunaren, demokraziaren eta aniztasunaren balioak”, amaitu du.

Ondoren, Irune Zuluaga EuroBasqueko presidenteak “elkartasuna” adierazi die “Ukrainako herriari eta demokraziaren defentsarako erakundeei“, eta gogorarazi du “genero-berdintasuna lortzea eta emakumeak ahalduntzea XXI. mendean egiteke dauden lanak” direla, eta “giza eskubideen arloan dugun erronka handienetako bat” direla.

Igor Filibi EuroBasqueko idazkari nagusiak Europako balioak eta proiektu politikoa aldarrikatu ditu, eta bereziki, emakumeen eta gizonen arteko berdintasuna. Ondoren, Leontxo Garcia kazetari eta xakelariak xakean emakumeen falta “hezkuntza diskriminazioarekin” lotu du eta ekitaldiaren protagonistak aurkeztu ditu: Anna Muzychuk eta Olga Alexandrova xakelari ukrainarrak.Anna Muzychuk, 2017ko azaroan munduko txapeldun hirukoitzak, ez zuen bere bi tituluren defentsan parte hartu Saudi Arabiako txapeleta mundialean, emakumeek herrialde hartan jasotzen zuten tratuagatik. Horrela, emakumeen eta gizonen arteko berdintasunaren aldeko aldarrikapena burutu zuen. Ez zuela inoren arauen pean jokatu nahi adierazteaz gain, ez zuela abaia jantzi nahi eta ez zuela nahi inork eskolta zezala kalera irten behar zuenean; “emakumeak bigarren mailako herritar gisa” tratatzen diren tokian ez zuela egon nahi aldarrikatu zuen, eta adierazi zuen, “nahiz eta ia inori ez zaion axola nire erabakia”, kirolean berdintasuna aldarrikatzea dela izan daitekeen garaipenik onena.

Jardunaldietan egindako hitzaldian, Muzychukek xakearen munduko berdintasuna aztertu du, eta munduko 100 xakelarien zerrendan emakumerik ez egoteko arrazoiak azaldu ditu.

Bestalde, Olga Alexandrovak nabarmendu du “Gambito de dama” telesailak bultzada handia eman diola emakumezkoen xakeari, eta, horren ondorioz, emakume gehiago hurbildu direla kirol horretara. Hala ere, aipatu du, oraindik lan handia dagoela egiteko gizonak nagusi diren esparru honetara emakume gehiago erakartzeko.

Jardunaldia amaitzeko, Leontxo Garciak Ukrainako bi Maistra Handien arteko “itsu-itsuan” xake partida gidatu du.

 

Read More

EuroBasquek, Arabako Xake Federazioarekin eta Eusko Legebiltzarrarekin batera,”XAKEA: EUROPA LOTZEN DUEN HIZKUNTZA” jardunaldia antolatu du Arabako Foru Aldundiaren parte-hartzearekin

EuroBasque  Europako  Mugimenduaren  Euskal Kontseiluak, Arabako Xake Federazioarekin eta Eusko Legebiltzarra-rekin batera, XAKEA: EUROPA LOTZEN DUEN HIZKUNTZA jardunaldia egingo du bihar, maiatzak 9,  Vitoria-Gasteizko Artium  museoan,  17:  30etik  aurrera. 

Bertan,  Arabako  Foru Aldundiaren parte-hartzearekin, Europaren Eguna ospatuko dugu xakearen bidez, Europa batzen duenhizkuntza unibertsala denaldetik. Haur xakelariak bilduko dira hitzaldi eta jolas jardunaldi batez gozatzeko, Anna Muzychuk  eta  Olga  Alexandrova  xakelari  ukrainarrek  gidatuta.  Anna  Muzychuk  xake-maisu ukrainar handia, munduko txapeldun hirukoitza, kirolean berdintasunaren aldeko ekintzailea eta Olga Alexandrova, Nazioarteko Maisua eta Emakumezko Maisu Handia,Ukrainako eta Espainiako txapelduna dira, hurrenez hurren.

Ekitaldia Leontxo Garciak aurkeztuko du, xakeana ditu aden hizlari eta kazetariak. Bere denbora gehiena xakea hezkuntza-tresna gisa zabaltzen ematen du.

Maiatzaren  9an  egingo  den  jardunaldia.  Bertan izango dira Ramiro González Arabako Ahaldun Nagusia, José Ramón Mariño Arabako Xake  Federazioko  Presidentea,  Irune  Zuluaga  EuroBasqueko  Lehendakaria  eta  Igor Filibi EuroBasqueko Idazkari Nagusia.

Atxikita arratsaldez programa. – Europaren Eguna – “XAKEA: EUROPA LOTZEN DUEN HIZKUNTZA”

Read More