Europak bere etorkizunari begira: Dozena erdi bat analista bildu dira Donostiako Kursaal Jauregian EBk segurtasunean eta hornidura-menpekotasunean dituen erronkei buruz hausnartzeko

Topaketa EuroBasque-ren Bost Erronka, Europa Bat hitzaldi zikloaren barnean antolatuta dago Eusko Jaurlaritzarekin lankidetzan, eta Europaren Etorkizunari buruzko Konferentziaren zeregina aldarrikatu du.

Donostia-San Sebastián, 2021ren azaroak 22.

“Europa geopolitikoa: mendekotasunetik autonomia estrategikora” jardunaldia ospatu da gaur goizean Donostiako Kursaal Jauregian, Europar Batasunak egoera pandemiko honetan aurre egin behar dien segurtasunari eta hornidura eta energia mendekotasunari buruzko erronkei buruz hausnartzeko. EuroBasqueko Zuzendaria den Irune Zuluagak hasiera eman dio topaketari Europak duen erronka deskribatuz: “Gure tresnen erabileran sendoagoak izan behar gara, eta tresna horiek hobeto erabili behar ditugu. Mendekotasun gutxiago izan behar dugu, eta eragin handiago lortu behar dugu”.

Publiko gazte baten aurrean, Eusko Jaurlaritzako Kanpo Harremanetarako Idazkaritza Nagusia den Marian Elorzak jardunaldia Europaren Etorkizunari buruzko Konferentziaren barnean ulertu behar dela esan du: “Gure asmoa maiatzean abiarazitako eztabaida-ariketa honetan gizarteak parte hartzea da, EB funtzionamendua birkonfiguratzeko eztabaidak, ideiak eta proposamenak piztea, Eusko Jaurlaritzak egingo duen dokumentuan jasotzeko. Eta zuzeneko demokraziaren ariketa zabal honetan gazteriak badu zer esateko”.

Europaren Etorkizunari buruzko Konferentzia: beharrezko tresna

Francisco Aldecoa, Europaren Mugimenduaren Presidentea Espainian eta Europaren Etorkizunari buruzko Konferentziaren Ordezkaritza Zibileko zuzendaria, ekimen honetan parte-hartzea funtsezkoa dela esan du, herritarren aldetik, bai eta estatuen aldetik ere bai. EuroBasqueko Idazkari Nagusia, Igor Filibiren hitzetan, “badaude arazo batzuk pandemiarekin eztanda egin dutenak, baina Maastricht garaitik arrastaka zetozenak. Inoiz ez zen ongi etortzen zenbait erreforma egitea, baina aldaketaren prozesua jadanik martxan dago erakunde mailan, Europaren Etorkizunari buruzko Konferentziaren bitartez, hain zuzen ere”. “Erabakiak hartzeko garaia da”, azpimarratu du Filibik, “munduko gainerako aktoreak euren etxeko lanak egiten ari baitira. Agian bizkorragoak izan behar dugu, baina jarduteko gaitasuna berreskuratu behar dugu.”

EBren mendekotasunen diagnostikoa

La Vanguardia egunkariaren zuzendari atxikia den Enric Julianak, Europar auzietan aditua delarik, EBren zailtasunen mapa irudikatu du: Mendebaldean, Brexita eta Erresuma Batuak Estatu Batuekin duen harremana biziberritzeko ahaleginak; Ekialdean, bloke sobietarren kideak izan ziren herrialdeak; eta Hegoaldean, Maroco motako herrialdeekin harremana, kontinentea energia eta erregaiez hornitzen dutenak, mendekotasun-egoera jartzen dutenak. Julianak ere aipatu du beste auzi bat, “izpiritualagoa”: Europan, nahiz eta Gizateriaren historian inoiz izan den gizarterik oparoena izanik, “mehatxatuta sentitzen gara, berriro zaurgarri sentitzen garelako”.

Bestalde, Alicia García Herrero, Buegel think tankeko kide seniorra, Europarren zatiketak EBren aurka jokatzen duela esan du, eta nazioartean Europa ahultzat hartzen dutela uste du. “Kanpo-politika komuna eta ideiak behar ditugu, oso azkar aldatzen den mundo batera egokitzeko, eta hor gazteak oso garrantzitsuak dira. Gutxi barru mundua ez da demokratikoa izango, leku askotan ikusten ari garen bezala, eta zentzu horretan Europa gure itxaropena da”.

Read More

Jardunaldia II: “Europa geopolitikoa: mendekotasunetik autonomia estrategikora”

EuroBasquek “Europa geopolitikoa: mendekotasunetik autonomia estrategikora” jardunaldia ospatuko du Eusko Jaurlaritzako Kanpo Harremanetarako Idazkaritza Nagusiarekin batera. Ekitaldia 2021eko azaroaren 22an, astelehena, izango da Kursaal Jauregian (Donostia- San Sebastián)

Jardunaldian parte hartuko dute, besteak beste, Marian Elorza (Eusko Jaurlaritzako Kanpo Harremanetarako idazkaria), Enric Juliana (La Vanguardiako zuzendariordea), Alicia GarcíaHerrero (Natixis instituturako Asia-Pazifikoko ekonomialari burua), Antonio de Lecea (EHUko Ekonomiako irakaslea), Isabel Álvarez (Madrilgo Unibertsitate Konplutentseko Ekonomia Aplikatuko irakasle titularra), Raquel Jorge (politika teknologiko eta digitalaren analista Elcano Errege Institutuan) eta Francisco Aldecoa (Europako Mugimenduaren Kontseilu Federaleko presidentea)
Saioa adituen bi mahai-ingurutan egituratuko da, ondorengo ardatzen inguruan:

  • Europako mendekotasunen diagnostikoa.
  • Autonomia estrategikoa Europako kalteberatasunari erantzuteko.

Read More

José María González Zorrilla, EuroBasqueren Ohorezko presidente izendatua izan da

2021eko irailaren 29an, José María González Zorrilla, EuroBasqueren Ohorezko presidente izendatua zuten Gernikako Euskal Herria Museoan ospatu zen Ohiko Bilkura Nagusian.

José Marik 20 urtetik gora eman ditu EuroBasquen presidente moduan izugarrizko lana egiten eta EuroBasque gaur den think tank europarrari bultzada sendoa emanez.

Eskerrik asko José Mari.

EuroBasqueren 2021ko Oroko Batzar Nagusia

Read More

Eurobasque-k Europar Batasunaren etorkizunari eta Europako Etorkizunari buruzko Konferentzian barnean Euskadiko paperari buruzko udako ikastaroa antolatu du Donostian

Bakartxo Tejeria Eusko Legebiltzarburua, eta Eva Ferreira UPV/EHUko errektorea ekitaldiaren hasieran izango dira, 8 eta 9an Miramar Jauregian ospatuko dena.

Donostia-San Sebastián, 2021eko uztailaren 7an.

UPV/EHUko Udako Ikastaroa Europar Batasunaren etorkizuna: ikuspegi bat Euskaditik. Konferentziari egindako ekarpenak, bihar ostegura, hilak 8, eta etzi, ostirala, hilak 9, izango da, EuroBasque-k antolatuta. Hamar aditu inguru izango ditu, EBren egungo erronkei buruz duten ikuspegia partekatuko dutenak. Europako Berreskuratze Funtsak, Europaren etorkizun federala eta Europaren Etorkizunari buruzko Konferentzia ere topaketan jorratuko dira. Indarrean dauden osasun-neurri guztiak betez, EuroBasque pozik dago bere proposamenak jaso duen erantzunarekin: aurreikusitako 40 plaza baino gehiago bete dira. Miramar Jauregia Europar Batasunaren orainaz eta etorkizunaz eztabaidatzeko foro bihurtuko da bihar eta etzi.

Ikastaroa Irune Zuluagak EuroBasque-ko presidentea aurkeztuko du, Eva Ferreira UPV/EHUko errektorea eta Bakartxo Tejeria Eusko Legebiltzarburuaren babesa izango duela. Lehenengo blokeak Europar Konferentzia izango du izpide. Ekimen honek Europako herritarrei Europaren etorkizunari buruzko eztabaidetan parte hartzeko deia egiten die lehenengo aldiz. Europaren Etorkizunerako Konferentzia Maiatzaren 9an Estrasburgo hirian inauguratu zen, eta 12 hilabetez luzatuko da EB osoan. Lau diputatu ordezkatzen dituzte Espainako Gorte Nagusiak Konferentzia honetan, horien artean Josune Gorospe (EAJ-PNV), ikastaroan ostegunean parte hartuko duena. Euskal partehartzea Eusko Jaurlaritzak eta EuroBasque-k bideratzen dute, eta horretarako ikastaro honetaz gain, duela bi aste Bilbon hasitako Bost Erronka, Europa Bat hitzaldi zikloa antolatu da.

Udako ikastaroan Europa Berreskuratzeko Plana ere landuko dute Lara Lázaro Touza (Real Instituto Elcano) trantsizio ekologikoan adituak (Real Instituto Elcano) eta Igor Calzada (Oxford-eko Unibertsitatea) digitalizazioan adituak

Bi egunetan zehar erakunde anitzak bilduko dira ikastaroan, hala nola Europako Parlamentua, Espainako Diputatuen Kongresuak, Espainiako Europako Mugimendu Federala, EUDEL, Akitania-Euskadi-Nafarroa euroeskualdea edo Eusko Ikaskuntza. Beste unibertsitateko aditu batzuekin batera, Igor FIlibi (UPV/EHU) eta Beatriz Pérez de las Heras (Deustuko Unibertsitatea), EuroBasque-ko Zuzendaritza batzordeko kideak eta ikastaroko zuzendariak izango dira.

EuroBasque-Europako Mugimenduaren Euskal Kontseiluari buruz

EuroBasque-Europako Mugimenduaren Euskal Kontseilua, gizarte zibilaren elkarte bat da, 40ko hamarkadan sortua. Hirurogeita hamar urte geroago, Europar Batasunean Euskadiren etorkizunari buruzko eztabaida bultzatzea du helburu, oraindik ere. Bere Zuzendaritza batzordean EAJ-PNV, EH Bildu, PSE-PSOE, PP+Cs eta Elkarrekin-Podemos alderdietako ordezkariak daude.

Bost Erronka, Europa Bat zikloa, Europaren Etorkizunari buruzko Konferentzian Euskadiren parte-hartzea sustatzen du, eta joan den ekainaren 22an hasi zen Bilboko Euskalduna Jauregina, ekonomia izpidea zuen jardunaldi batekin. Hurrengoa, azaroan 5ean Donostian ospatuko dena, “Europa geopolitikoa: menpekotasunatik autonomia estrategikora” izenburua izango du.

Read More

Udako Ikastaroa: “EUROPAR BATASUNAREN ETORKIZUNA: IKUSPEGI BAT EUSKADITIK. KONFERENTZIARI EGINDAKO EKARPENAK”

Udako ikastaroa: Uztailak 8 eta 9, Miramar Jauregia, Donostia

 Ikastaroaren gaia eta helburuak:

Europar Batasuneko (EB) herritarrak, gizarte zibila eta erakundeak EBren etorkizunari buruzko eztabaida sakonean murgilduta daude, Europaren etorkizunari buruzko Konferentziak ezarritako foroan, zeina COVID-19ren pandemiak atzeratu duena.

Biltzarraren helburua da Europaren etorkizunari buruzko eztabaidarako foro bat eskaintzea herritarrei, EB epe ertain eta luzera garatzeko garrantzitsuak diren gaiei buruz. Gai horien artean daude Europako ekonomia- eta gizarte-sistemaren etorkizuna, jasangarritasuna, klimaren babesa, berrikuntza, eraldaketa digitala eta EBren funtsezko balioak. Biltzarrak, halaber, herritarren proposamenak Europako politika eta arauetan txertatzeko aukerak aztertuko ditu.

-> KONTSULTATU PROGRAMA ETA INFORMAZIO GEHIAGO.

EuroBasquek antolatutako udako ikastaro honen helburu nagusia da gogoeta sustatzea eta ideia eta proposamenak sortzea, EBk gaur egun dituen erronka anitzak eta garrantzitsuak jorratzeko. Horien artean:

  • Ingurumenerronkak eta krisi klimatikoa; esparru horretan, EBk 2050ean klima-neutraltasuna lortzea proposatu du.
  • EBn giza eskubideak eta zuzenbideestatua defendatzeko sistema eraginkor bat sortzea/finkatzea.
  • Covid19k ekonomian, gizartean eta osasunean izan duen eragin handia: Europako elkartasun-mekanismoen ebaluazioa eta krisi sistemikoen aurrean EBk duen erantzuteko gaitasuna.
  • Eskubide Sozialen Europako zutabea aplikatzea, EBn justizia soziala eta berdintasuna lortzeko funtsezko tresna gisa.
  • Migrazioa Europak baztertu ezin duen erronka bat da, eta horrek aukerak eman diezazkioke gainbehera demografikoa ezaugarri duen eta langileak behar dituzten lanmerkatuak dituen kontinente bati.
  • Defentsarako Europar Batasuna garatzea, benetan integratuta.
  • Estatu kide berrien zabaltzeprozesua eta etorkizuneko atxikipenak.
  • Ekonomia eta Diru Batasuna sakontzea, pertsonentzat funtzionatuko duen ekonomia.
  • Europako estrategia digitala. Europako ekonomia eta gizartea digitalizatzeko erronka.
  • Europako balioak sustatzea, munduan EBren ahotsa indartuz eta Batasunaren oinarri demokratikoak sustatuz. EBren papera munduan: multilateralismoa, balio demokratikoak eta garapen iraunkorra sustatzea.
  • EBko prozesu demokratikoak eta gai instituzionalak: eta, bereziki, hauteskundelegeriaren erreforma integrala: “Spitzenkandidaten” sistema eta 2024ko Europako Parlamenturako hauteskundeetarako zerrenda transnazionalak.
  • Erreforma instituzionalak Batasun demokratikoago eta eraginkorrago baterako.
  • Europa mailako demokrazia ordezkatzailea eta demokrazia partehartzailea indartzea, herritarrak etengabeko elkarrizketa-bideen bidez inplikatuz.

Zuzendariak:

  • Igor Filibi López, profesor del Departamento de Relaciones Internacionales de la UPV-EHU.
  • Beatriz Pérez de las Heras, Catedrática de Derecho de la Unión Europea y Titular de la Cátedra Jean Monet en Integración Europea en la Universidad de Deusto.

-> KONTSULTATU PROGRAMA ETA INFORMAZIO GEHIAGO.

Read More

EuroBasquek antolatutako hitzaldi zikloa hasi da gaur Bilbon, Europaren Etorkizunerako Konferentzian euskal ekarpena bideratuko duena

Ehun lagun baino gehiago bildu du jardunaldiak, Europar funtsak Euskadiko transitzio ekologikoa eta digitalerako erabiltzeari buruz haunsnarketa bultzatu duena

Bilbao, 2021ko ekainaren 22a.

EuroBasque-Europako Mugimenduaren Euskal Kontseiluak antolatu duen Bost Erronka, Europa Bat hitzaldi zikloa hasi da gaur goizean Bilboko Euskalduna Jauregian, “Europako Berreskuratze Plana: krisiari erantzun federala” jardunaldiarekin. Eusko Jaurlaritzako Kanpo Harremanetarako Idazkaritza, Direct Europe eta UPV/EHUko laguntzarekin, ekonomian, trantsizio berdea eta eraldaketa digitaleko lehen mailako hamar adituk parte hartu dute ekitaldian.

Bertaratu diren ia 150 lagunek Europar Batasunak bultzatutako Europako funtsen 800.000 milioi euro baino gehiagok euskal digitalizazioari eta ekonomia berdeari eman diezaieketen aukerei buruz hitz egin dute. 85 pertsoneko edukiera osatuz eta 70 baino gehiago streaming bidez ekitaldiari jarraituz, parte-hartzaileen artean erakundeetako ordezkariak, akademikoak eta gizarte zibileko hainbat erakundeak izan dira, bai eta parte hartu nahi izan duten herritarrak.

Eusko Jaurlaritzako Ekonomiako eta Europako Futsetako sailburuordea Jordi Campàs-en aburuz, “aukera historikoa dugu inbertsioa berriz ere hazkunde-motor gisa bultzatzeko, eraldaketa energetiko-ekologikora eta digitalera bideratuz”. Europako Parlamentuko Komunizakio Zuzendari nagusia Jaume Duch-ek EB etorkizuna sektore ekonomiko batzuk eguneratzearekin etorri behar izango dela azpimarratu du, krisiek aukerak sortzen dituztela aipatuta.

Bestalde, Ignacio González Vázquez Europako Batzordeko Ikerketa Zentro Beteratuko taldeen koordinatzaileak NextGeneration EU planak arrakasta izan dezan erakundeen arteko lankidetzaren garrantzia nabarmendu du, eta baita ere Eusko Jaurlaritzak horren kudeaketan jokatuko duen papera. Estatu mailan, Europako funtsen inbertsioaren %40a sektore ekologikora bideratuko da eta %28ª eraldaketa digitalera.

Europaren Etorkizunerako Konferentzia

Bost Erronka, Europa Bat zikloa EuroBasque eta Eusko Jaurlaritzaren arteko lankidetza da, Euskadin Europaren Etorkizunerako Konferentzia ekimenean parte-hartzea bultzatzeko sortuta. Konferentzia hau, maiatzaren 9an Estrasburgo hirian inauguratu zen, eta 12 hilabetez luzatuko da. Lehen aldiz Europako herritarrak eta gizarte zibila deitua izan da EBren etorkizuna birdefinituko duen eztabaidetan parte hartzera, bai eta iritziak eta proposamenak adieraztera. Gogoetaren emaitza, Euskadin EuroBasquek bultzatuta eta bideratuta dagoena, euskal ekarpenaren oinarria izango da konferentzia honetan, eta txosten eta hainbat argitalpenetan jasoko da.

Irune Zuluaga, EuroBasqueko zuzendaria, herritarrak animatu ditu parte hartzera Bost Erronka, Europa Bat ekimenean, “euskaldunen ahotsa, aberatsa, anitza, Europako Konferentzian jaso dadin”, eta 1948. urtean antolatutako Europako Kongresuan euskal delegazioaren parte-hartzea gogoratu du, non Agirre Lehendakaria burua izan zen. Zuluagaren aburuz, “euskal gizarteak, beldurrak itxaropenarekin eta erronka globalak irtenbide komunitarioekin ordezkatzeko gai izango den Europaren bultzatzailea izan behar du berriro”.

EuroBasque-Europako Mugimenduaren Euskal Kontseiluari buruz

EuroBasque-Europako Mugimenduaren Euskal Kontseilua, gizarte zibilaren elkarte bat da, 40ko hamarkadan sortua. Hirurogeita hamar urte geroago, Europar Batasunean Euskadiren etorkizunari buruzko eztabaida bultzatzea du helburu, oraindik ere. Bere Zuzendaritza batzordean EAJ-PNV, EH Bildu, PSE-PSOE, PP+Cs eta Elkarrekin-Podemos alderdietako ordezkariak daude.

Lehen jardunaldi tematiko honetan ekonomia izan da ardatza, eta datozen hilabeteetan beste hiru jardunaldi egingo dira, hiru herrialde historikoetan ospatuko direnak. Bertan parte-hartu ahal izango da aurrez aurre eta baita modu telematikoz ere. Hurrengo jardunaldia, urrian, Donostian izango dena, “Europa geopolitikoa: menpekotasunatik autonomia estrategikora” izenburuarekin.

Read More

Eusko Jaurlaritza eta EuroBasque bat datoz Europaren integrazioa bultzatzeko eta euskal gizarteari galdetzeko zer nolako Batasuna eraiki nahi dugun “Bost erronka, Europa bat” hitzaldi-zikloa bultzatuz

EuroBasquek, Europe Direct Bizkaia, Eusko Jaurlaritzako Kanpo Harremanetarako Idazkaritza Nagusia eta UPV/EHUko Ekonomia eta Enpresa Fakultatearen laguntzarekin, ekainaren 22an, asteartea, 9:00etatik 14:00etara “Europako Berreskuratze Plana: krisiari Erantzun Federala” jardunaldia antolatu dugu.

Honako hauek parte hartzen dute, besteak beste: Marian Elorza (Eusko Jaurlaritzako Kanpo Harremanetarako idazkari nagusia), Jaume Duch (Europako Parlamentua), Anne Karjalainen (Eskualdeetako Komitea), Jordi Campàs (Eusko Jaurlaritzako Ekonomia eta Europako Funtsen sailburuordea), Andreas Eisl (Jacques Delors Institutua) eta Cristina Oyón (SPRIko Berrikuntza eta Iraunkortasuneko zuzendaria).

Programa adituen bi mahaitan egituratuko da. Mahai horiek honako ardatz hauek izango dituzte:

• Next Generation EU berreskuratzeko plana: aukera bat Euskadirentzat eta kohesiorako.
• Trantsizio ekologikoa eta eraldaketa digitala.

Eman izena eta jarraitu online jardunaldia zuzenean!

Izena emateko inprimakia streaming bidez jarraitzeko.Ekitaldiaren aurretik, posta elektroniko bat jasoko duzu, jardunaldia zuzenean jarraitzeko estekarekin. Esteka hau sarbide bakarrekoa da eta pertsona bakar batek erabili ahal izango du.

HEMEN PROGRAMARAKO ESTEKAEUSKO JAURLARITZAREN PRENTSA OHARRA

Read More

EuroBasquek “SEGURTASUNAREN ETA DEFENTSAREN BATASUNA: ETORKIZUNA HEMEN DAGO” liburua aurkeztu du.

Bilbo, 2021eko maiatzaren 19a. EuroBasquek “Segurtasunaren eta Defentsaren Batasuna: etorkizuna hemen da” liburua aurkeztu du Dykinson argitaletxearekin, EuroBasquek eta UPV/EHUko Ekonomia eta Enpresa Fakultateak -Elkano- formatu birtualean antolatutako jardunaldi batean.

Liburuak EuroBasqueko Francisco Javier Landaburu Unibertsitateen Europari buruzko XIX. Ikerketa Sariaren ekarpenak biltzen ditu, “Segurtasunaren eta defentsaren politika bateratua Europar Batasunean” gaiari buruzkoak: María Eugenia López-Jacoiste, Lucas J. Ruiz Díaz eta Javier Fernández Rojo. Era berean, Mikel Anton Eusko Jaurlaritzako Europako Gaietarako zuzendariak, Patxi Aldecoa Luzarraga, Beatriz Pérez de las Heras, Mariola Urrea Corres eta Jose Luis de Castro ikertzaileek eta Igor Filibi EuroBasqueko idazkari nagusiak egindako ekarpenak biltzen ditu liburuak.

Argitalpenaren ardatza Europar Batasuneko segurtasun- eta defentsa-politika da. Azken aldi hauetan aldaketa garrantzitsuak izan ditu, bai operatiboak bai estrategikoak, segurtasunaren arloko erronkei aurre egiteko eta Batasunak herritarrek erantzun handiagoa izan dezaten eskatzeko.

Horrela, Europako defentsa-politika baterantz aurrera egitea EBren kanpo-politikarako ikuspegi zabalago baten alderdi kritiko bihurtu da, nahiz eta EBko estatu kideen arteko segurtasun- eta defentsa-lankidetza beti izan den gai konplexuenetako bat agenda komunean. Europako integrazio-prozesu osoan, Segurtasunak eta, batez ere, Defentsak ez zuen inoiz hain leku garrantzitsua izan Erkidegoko Agendan.

Liburu honetan diziplina anitzeko lanak aurkitu ahal izango dituzte, Datuak Babesteko Planaren gaur egungo dimentsio eta erronkei buruzko hausnarketa adituak jasotzen duen dimentsio hirukoitzari buruzko ideiak eta ezagutza emateko; izan ere, 2016tik gaurdaino izan duen bilakaera garrantzitsua da, oraindik zalantzazkoa bada ere, proiektu europarra nazioz gaindi integratzeko bidean, segurtasuna eta defentsa bezalako gai kritiko batean.

Read More

Europa 2021 eguna ospatzeko jardunaldiaren laburpena, Eusko Legebiltzarraren egoitzan, Gasteizen

Bakartxo Tejeria Eusko Legebiltzarreko presidentea eta Irune Zuluaga EuroBasqueko presidentea buru dituen ekitaldian, Europa berri baterako eztabaida eguna eta EuroBasque 2020ko Kazetaritza Saria banatu dituzte.

Tejeriak, ekitaldia irekitzeko hitzaldian, Europaren Etorkizunari buruzko Konferentzia izan du hizpide, eta ziur agertu da Europar Batasunaren etorkizuneko jarduera eta eskumen-eredua “Europa mailako subsidiariotasun-printzipioetan oinarrituta beharko lukeela”. “Europak bere dibertsitatearekin eta aberastasunarekin koherentea izan behar baitu, behetik hasita goraino; eta hor izan behar du Euskadik”, azpimarratu du.

“Eskubide indibidual eta kolektiboen errespetuan, eta eskubide sozialen errespetuan oinarritutako Europa bat ” aldarrikatu ostean, Bakartxo Tejeriak azpimarratu du “Euskadik Europar Batasuna berreskuratzeko planaren partaide” izan behar duela, “next Euskadiz, gure etorkizunaz ari baikara, ‘next generation’ hori gure ondorengo belaunaldiak baitira”.

Bestalde, Zuluagak esan duenez, “Europa eta mundu osoa, salbuespenik gabe, inoiz pentsatuko ez genuen unerik gogor eta larrienetako batean dago: osasun publiko krisi betean eta ekonomien kolapso orokorrean”. Horregatik, Zuluagaren iritziz, “atzo formalki hasitako Europako Konferentzia inoiz baino beharrezkoagoa da, galdu ezin dezakegun aukera”. Hala, adierazi du EuroBasque bertan izango dela, “Europaren etorkizunari buruzko eztabaidan euskal gizarte zibilari ahotsa emanez”

Eztabaiden jardunaldiaren ardatz nagusi gisa, Eneko Landabururen hitzaldiak hitzaldi magistral bat eskaini zuen, “Europar Batasuna: bide onetik goaz?” Izenburupean, EBren lorpenei, erronkei, aukerei eta etorkizuneko arriskuei buruz. Eta, zehazki, Europaren eraikuntzan aurrera egiteko erabili eta garatu behar ditugun tresnei buruz, bereziki Europaren etorkizunari buruzko Konferentzia.

Eneko Landaburu, erbestean jaiotako euskal politikaria, bokaziozkoa, eta, beste kargu garrantzitsu askoren artean, Eusko Legebiltzarreko kidea, Europako Batzordeko Eskualde Politikako zuzendari nagusia eta zuzendari nagusia 1986-2009 bitartean.

Ekitaldiaren amaiera gisa, EuroBasqueko Kazetaritza 2020 saria eman zioten Irune Lasa Astigarragak “Gurinezko Mendien Europa Hura” lana argitaratu zuen Berria egunkarian 2020ko azaroaren 8an, eta bere lana aurkeztu ondoren, esker oneko hitzak helarazi zizkien bertaratutakoei.

Artikulu honek Europa nekazaritza-sektorean integratzeak duen garrantziaz dihardu, eta, bereziki, Europar Batasunak Nekazaritza Politika Bateratuaren (NPB) beharrezko erreformari dagokionez duen erronka planteatzen du.Saritutako lanak Europar Batasunaren sorreratik azken erreformara arteko errepaso kronologikoa egiten du, eta nekazaritza-sektorearen bilakaera nabarmentzen du, bai eta Europako nekazaritza-politikaren esparruan izan behar duen lekua ere.

Irune Lasa Astigarraga kazetaria, informazio zientzietan lizentziatua daEuskal Herriko Unibertsitatetik (1997). Ikasle garaian Zarauzko Telebistan kolaborazio batzuk egin zituen baina, euskarazko prentsa idatzian egin du bere ibilbidea. Euskaldunon Egunkaria-n jardun zen, batez ere ekonomiari buruzko gaiekin. Berria egunkarian beste zenbait sailetan ere aritu da, besteak beste, Igandea gehigarrian. Gaur egun Ekonomia saileko kazetaria da Berrian.

Streaming bidez emandako jardunaldia EuroBasqueko Youtubeko kanalean eskura daiteke, nahierara ikusi ahal izateko.

 

2021.05.10 Prentsa oharra – Eusko Legebiltzarra2021.05.10 Irune Zuluaga2021.05.10 Irune Lasa2021.05.10 INFORMAZIOAGaleria

Read More

“La Unión de la seguridad y la defensa: El futuro ya está aquí” liburua aurkezteko jardunaldirako gonbidapena.

EuroBasquek eta UPV/EHUko Elkano Enpresa eta Ekonomia Fakultatea “LA UNIÓN DE LA SEGURIDAD Y LA DEFENSA: El futuro ya está aquí” liburuaren aurkezpen jardunaldia antolatu dute.

Ekitalia maiatzaren 19an, 12: 00etatik aurrera ospatuko da online eran.

Egitraraua EuroBasqueko idazkari nagusiak, Igor Filibik, moderatuko du, eta liburuaren koordinatzailea den Jose Luis de Castro irakasleak parte hartuko du. Halaber, EuroBasquen Francisco Javier de Landaburu Universitas 2020 Sariarekin saritutako ikertzaileen hitzaldiak izango ditugu ere: Mª Eugenia LópezJacoiste, Lucas Jesús Ruiz Díaz eta David FernándezRojo, horien lanak liburu honetan baitaude jasota.

EuroBasquentzat ohore handia da ekimen honetan parte hartzera gonbidatzea.

Osasun-arrazoiak direla eta, online egingo da, eta streaming bidez jarraitu ahal izango da. Izena eman, mesedez, maiatzak 18an baino lehen helbidean, esteka jasotzeko.

IZENA EMANDeskargatu programa

 

Read More