SAVE THE DATE: Azaroak 8, “EB zabaltzea: Espainiaren lehendakaritzaren eta euskal agendaren lehentasunak” jardunaldia

Datorren azaroaren 8an, asteazkena, 18: 30etan, “EB zabaltzea: Espainiaren lehendakaritzaren lehentasunak eta euskal agenda” jardunaldia egingo dugu Bilboko Euskalduna Jauregian, Europe Direct Bizkaiarekin lankidetzan. Parte hartuko dute, besteak beste, Eugeniu Revenco Moldaviak Espainian duen enbaxadoreak, Dmytro Matiuschenko Ukrainako enbaxadako ministro kontseilariak, Adrián Lasa Europako Batzordeko Komunikazio Teknikariak.

Parte hartu nahi duten pertsonak esteka honetan izena-ematea beharrezkoa da.

Betiko programa

Zuen parte-hartzea izatea espero dugu

Read More

EuroBasquek Europaren Eguna ospatzen du, eta bi ekitaldi egiten ditu berdintasunaren eta zuzenbide-estatuaren alde, jardunaldiaren ardatz gisa

Eusko Legebiltzarreko lehendakariak, Bakartxo Tejeriak eta Irune Zuluagak, EuroBasqueko presidenteak, Europar Batasuna eta Balioak: emakumeen eta gizonen arteko berdintasunik gabe ez dago Europa, ezta demokrazia ere, izeneko jardunaldiak inauguratu zituzten.

Jardunaldien izenburutik ondorioztatzen denez, aurten berdintasuna eta zuzenbide-estatua dira Bakartxo Tejeria Eusko Legebiltzarreko presidenteak inauguratu duen ekitaldiaren ardatzak.

Bere hitzaldian, Eusko Legebiltzarreko presidenteak “ezbeharren aurrean batuta eta balioen gainean eraikita” dagoen Europaren alde egin du. Azpimarratu duenez, “gizabanakoaren eta gizataldeen eskubideak errespetatzea, bai eta gizarte eskubideak ere, Europar Batasunaren sustraian da”. “Zutabe horien gainean altxatu da Europa, demokraziaren eta giza eskubideen balioetan oinarrituta, nazioak eta herriak beren nortasun eta kultura propioarekin proiektu erkide batean elkartuta”, gaineratu du.

Europar Batasunaren proiektua bakea eraikitzeko eratu zela” gogorarazi ostean, “Errusiak Ukrainari egindako erasoaren amaiera” aldarrikatu du. Ildo horretan, adierazi du “gerrak amaitu behar duela eta hori gertatzen denean Europar Batasunak Ukraina laguntzen jarraitu beharko du, desegindakoa berreraikiz eta Europa den etxe komunean elkarrekin bizi nahi duten herri eta nazioak bere baitan hartuz”.

Etorkizuna Europa da, bere aniztasunean elkartuagoa den Europa eta horrek Batasunaren oinarrizko lotura ekonomiko, kultural eta politikoak indartzea eskatzen du; eta horretarako, Europak berretsi egin behar ditu askatasunaren, demokraziaren eta aniztasunaren balioak”, amaitu du.

Ondoren, Irune Zuluaga EuroBasqueko presidenteak “elkartasuna” adierazi die “Ukrainako herriari eta demokraziaren defentsarako erakundeei“, eta gogorarazi du “genero-berdintasuna lortzea eta emakumeak ahalduntzea XXI. mendean egiteke dauden lanak” direla, eta “giza eskubideen arloan dugun erronka handienetako bat” direla.

Igor Filibi EuroBasqueko idazkari nagusiak Europako balioak eta proiektu politikoa aldarrikatu ditu, eta bereziki, emakumeen eta gizonen arteko berdintasuna. Ondoren, Leontxo Garcia kazetari eta xakelariak xakean emakumeen falta “hezkuntza diskriminazioarekin” lotu du eta ekitaldiaren protagonistak aurkeztu ditu: Anna Muzychuk eta Olga Alexandrova xakelari ukrainarrak.Anna Muzychuk, 2017ko azaroan munduko txapeldun hirukoitzak, ez zuen bere bi tituluren defentsan parte hartu Saudi Arabiako txapeleta mundialean, emakumeek herrialde hartan jasotzen zuten tratuagatik. Horrela, emakumeen eta gizonen arteko berdintasunaren aldeko aldarrikapena burutu zuen. Ez zuela inoren arauen pean jokatu nahi adierazteaz gain, ez zuela abaia jantzi nahi eta ez zuela nahi inork eskolta zezala kalera irten behar zuenean; “emakumeak bigarren mailako herritar gisa” tratatzen diren tokian ez zuela egon nahi aldarrikatu zuen, eta adierazi zuen, “nahiz eta ia inori ez zaion axola nire erabakia”, kirolean berdintasuna aldarrikatzea dela izan daitekeen garaipenik onena.

Jardunaldietan egindako hitzaldian, Muzychukek xakearen munduko berdintasuna aztertu du, eta munduko 100 xakelarien zerrendan emakumerik ez egoteko arrazoiak azaldu ditu.

Bestalde, Olga Alexandrovak nabarmendu du “Gambito de dama” telesailak bultzada handia eman diola emakumezkoen xakeari, eta, horren ondorioz, emakume gehiago hurbildu direla kirol horretara. Hala ere, aipatu du, oraindik lan handia dagoela egiteko gizonak nagusi diren esparru honetara emakume gehiago erakartzeko.

Jardunaldia amaitzeko, Leontxo Garciak Ukrainako bi Maistra Handien arteko “itsu-itsuan” xake partida gidatu du.

 

Read More

EuroBasquek, Arabako Xake Federazioarekin eta Eusko Legebiltzarrarekin batera,”XAKEA: EUROPA LOTZEN DUEN HIZKUNTZA” jardunaldia antolatu du Arabako Foru Aldundiaren parte-hartzearekin

EuroBasque  Europako  Mugimenduaren  Euskal Kontseiluak, Arabako Xake Federazioarekin eta Eusko Legebiltzarra-rekin batera, XAKEA: EUROPA LOTZEN DUEN HIZKUNTZA jardunaldia egingo du bihar, maiatzak 9,  Vitoria-Gasteizko Artium  museoan,  17:  30etik  aurrera. 

Bertan,  Arabako  Foru Aldundiaren parte-hartzearekin, Europaren Eguna ospatuko dugu xakearen bidez, Europa batzen duenhizkuntza unibertsala denaldetik. Haur xakelariak bilduko dira hitzaldi eta jolas jardunaldi batez gozatzeko, Anna Muzychuk  eta  Olga  Alexandrova  xakelari  ukrainarrek  gidatuta.  Anna  Muzychuk  xake-maisu ukrainar handia, munduko txapeldun hirukoitza, kirolean berdintasunaren aldeko ekintzailea eta Olga Alexandrova, Nazioarteko Maisua eta Emakumezko Maisu Handia,Ukrainako eta Espainiako txapelduna dira, hurrenez hurren.

Ekitaldia Leontxo Garciak aurkeztuko du, xakeana ditu aden hizlari eta kazetariak. Bere denbora gehiena xakea hezkuntza-tresna gisa zabaltzen ematen du.

Maiatzaren  9an  egingo  den  jardunaldia.  Bertan izango dira Ramiro González Arabako Ahaldun Nagusia, José Ramón Mariño Arabako Xake  Federazioko  Presidentea,  Irune  Zuluaga  EuroBasqueko  Lehendakaria  eta  Igor Filibi EuroBasqueko Idazkari Nagusia.

Atxikita arratsaldez programa. – Europaren Eguna – “XAKEA: EUROPA LOTZEN DUEN HIZKUNTZA”

Read More

2023ko maiatzak 9, Europaren Eguna: EuroBasquek Europako Eguneko ospatzeko ekitaldi bi prestatu ditu Vitoria-Gasteizen

Goizez, Eusko Legebiltzarrak eta EuroBasquek Europako Eguna ospatuko dute “Europar Batasuna eta balioak: emakumeen eta gizonen arteko berdintasunik gabe ez dago Europarik, ezta demokraziarik ere” izenburupean, Ukrainako bi xakelarik hartuko dute parte antolatutako jardunaldian. Maiatzaren 9an izango da, asteartea, 11:30etatik aurrera, Eusko Legebiltzarreko Tomas Moro aretoan.

Ekitaldia streaming bidez jarraitu ahalko da Eusko Legebiltzarreko webgunetik, zuzeneko emisioa atalean https://www.legebiltzarra.eus/portal/eu/web/eusko-legebiltzarra

Aurten, berdintasuna eta zuzenbide-estatua dira jardunaldiaren ardatzak, eta, horren harira, xakelari ukrainarren partaidetza izango dugu. Xakearen munduan erreferente diren bi emakume izango ditugu –ez dugu ahaztu behar xakea gizonezkoen esparruarekin lotu ohi dugula–. Gainera, ezin dugu alde batera utzi Ukrainako gerra hasi zenetik Europarako espazio berri bat ireki dela, hain zuzen ere, Errusiak sortutako gatazka belikoaren ondorioz lekualdatutako pertsonak hartzeko.

Horretarako, Bakartxo Tejeria Eusko Legebiltzarreko lehendakariak, Irune Zuluaga EuroBasqueko presidenteak eta Igor FilibiEuroBasqueko idazkari nagusiak parte hartuko dute, eta Anna Muzychuk eta Olga Alexandrova Ukrainako xakeko bi maistra handik ere parte hartuko dute. Bi maistra horiek beren karreretan lortutako tituluen bidez, emakumeen eta gizonen arteko berdintasuna aldarrikatzen dute; biak Leontxo Garcia kazetariak aurkeztutakoak.

Anna Muzychuk munduko txapeldun hirukoitzak 2017ko azaroan uko egin zion Saudi Arabiako Munduko Txapelketan bere tituluen defentsan parte hartzeari, bertan emakumeei ematen zaien tratuagatik. “Ez dut inoren araupean jokatu nahi, ez dut abaya jantzi nahi eta ez nau inork eskoltatu behar irtetzerakoan”. “Emakumeak bigarren mailako herritar gisa tratatzen diren tokian” ez zuela egon nahi adierazi zuen eta bere erabakiak izango zuen erantzuna edonolakoa izanda ere, kirolean berdintasuna aldarrikatzea izan daitekeen garaipenik onena zela aditzera eman zuen. Olga Alexandrovak, bestalde, onartzen du xakean emakume gutxiagok jokatzen dutela, historikoki gizonezkoen kirola izatearen ospea izan duelako: “Ez gara jokalari txarragoak; baina hain gutxi garenez, ikusgarritasun txikia dugu”.

Leontxo Garcíak egingo ditu aurkezle lanak. Kazetari, xakelari eta, beste errekonozimendu batzuen artean, Nazioarteko Federazioko (FIDE) Hezkuntza Xakerako Kontseilari Nagusi da Leontxo eta FIDEren Urrezko Liburuan inskribatuta dago, “xakea munduan zabaltzen egindako ekarpen handiagatik”.

Jardunaldiari amaiera emateko, Leontxo Garciak Ukrainako bi Maistraren arteko xake partida komentatuko du. Anekdota bezala, jokatuko duten partida “itsu-itsuan” izango da.

Atxikita goizez programa.

 Testuaren iturria: Eusko Legebiltzarreko prentsa zerbitzua

 

Arratsaldez, EuroBasquek, Arabako Xake Federazioarekin eta Eusko Legebiltzarrarekin batera, “XAKEA: EUROPA LOTZEN DUEN HIZKUNTZA” jardunaldia antolatu du Arabako Foru Aldundiaren parte-hartzearekin.

Ekitaldia, Vitoria-Gasteizko Probintzia Plazan, 17:30etatik aurrera. Bertan, Arabako Foru Aldundiaren parte-hartzearekin, Europaren Eguna ospatuko dugu xakearen bidez, Europa batzen duen hizkuntza unibertsala den aldetik.

Haur xakelariak bilduko dira hitzaldi eta jolas jardunaldi batez gozatzeko, Anna Muzychuk xakelari ukrainarrak gidatuta. Anna Muzychuk xake-maisu ukrainar handia, munduko txapeldun hirukoitza, kirolean berdintasunaren aldeko ekintzailea eta Olga Alexandrova, Nazioarteko Maisua eta Emakumezko Maisu Handia, Ukrainako eta Espainiako txapelduna dira, hurrenez hurren.

Ekitaldia Leontxo Garciak aurkeztuko du, xakean aditua den hizlari eta kazetariak. Bere denbora gehiena xakea hezkuntza-tresna gisa zabaltzen ematen du.

Atxikita arratsaldez programa.

Read More

Udako ikastaroa “Demokrazia Europan: erronkak eta erantzunak eraldaketa garaian”

EuroBasquek, UPV/EHUko Uda Ikastaroak Fundazioarekin (UIK) lankidetzan, udako ikastaroa antolatu du, “Demokrazia Europan: erronkak eta erantzunak eraldaketa garaian”.

Ikastaroa 2023ko uztailaren 6an eta 7an izango da, Miramar Jauregian (Donostia)

  • Uda ikastaroaren helburu nagusia Europako demokraziaren krisiari buruzko eztabaida ireki eta parte-hartzaileari modu informatu eta eraikitzailean ekitea da.
  • Gainera, foro hau herritarren, erakundeen, alderdi politikoen eta akademiaren arteko topagunea izatea nahi da, pertzepzioak, datuak eta argudioak partekatuz.
  • Beste helburuetako bat da benetako demokrazia europar baterantz aurrera egitea ahalbidetuko duten proposamen zehatzak atera ahal izatea, demokrazia inklusiboa, parte-hartzailea, maila anitzekoa eta eraginkorra izango dena.

Ezin duzu galdu!

Edukiera dela eta, eta ikastaroaren antolaketa zehazteko, garrantzitsua da ekainaren 15a baino lehen izena ematea. Gainera, “EuroBasque Beka” jaso nahi baduzu, Udako Ikastarora joateko matrikulan deskontu bat eginez, idatzi mezu bat eurobasque@eurobasque.eus helbidera eta xehetasunen berri emango dizugu.

Era berean, jakinarazten dizugu partaidetza-kontrol bat egongo dela bi egunetarako, edozein modalitatetan (online eta aurrez aurre), eta bekaren itzulketa eskatu ahal izango dela, ikastarora ez joateko arrazoiak azaltzen dituen aldez aurreko frogagiririk aurkezten ez bada.

Matrikula zaitez udako ikastaroan

Read More

XVII. Francisco Javier Landaburu marrazki saria PRIMUS 2023. Oinarriak.

Deskribapena:

EuroBasqueren helburu nagusia da bere baitan dauden herrien aniztasuna errespetatzen duen Europar Batasun federala sortzea, eta Europako herrien, nazionalitateen eta eskualdeen arteko harremanak sustatzea eta Euskadin sakontzea, aipatutako europar batasunari begira. Europako nortasuna Lehen Hezkuntzako ikasleen artean sustatzeko lana indartzeko, EuroBasquek Eusko Jaurlaritzako Hezkuntza sailarekin batera Francisco Javier de Landaburu PRIMUS marrazki-saria sortzea erabaki zuen 2007an.

XVII. Francisco Javier Landaburu marrazki saria PRIMUS 2023. Oinarriak.

  • Deialdia egiten duena: EuroBasque, Europako Mugimenduaren Euskal Kontseilua
  • Laguntzailea: Eusko Jaurlaritza, Hezkuntza Saila
  • Gaia: Galderari erantzungo dion marrazki bat egitea. “Zer da Europa zuretzat?”
  • Aurtengo nobedadea:
    Irakasleek gida didaktiko bat izango dute eskuragarri, Sarian saio bateko edo biko jarduera gisa parte hartzeko proposamenak eta Europar Batasunaren alderdi desberdinak (balioak, giza eskubideak, geografia, historia) antolatzeko. Horiek lagungarri izango dira ikasle gazteenen parte-hartzea eta Europako gaia ulertzeko.
  • Saria:
    Haur irabazleek eta finalistek margo maleta bat eta diploma bat jasoko dute. Irabazleek gainera, oparitxoa jasoko dute.
    Lan irabazleen irakasleek 300,00 € jasoko dituzte. Kopuru horri zergaxedapenen arabera aplikagarriak diren atxikipenak egingo zaizkio.
    Kategoria bakoitzeko sariaz gain, epaimahaiak aipamen bereziak eman ahal izango dizkie bere ustez modu berezian nabarmentzen diren lanei.Lanak sari banaketa egunean antolatuko den erakusketa baten parte izan daitezke.

    • Publikoaren sari berezia: 18 lan finalistetatik, publikoak EuroBasqueren webgunearen bidez boto gehien jasotzen dituenak, publikoaren sari berezi bat jasoko du, baita margo maleta bat eta diploma bat ere. Lanak Sariak banatzeko antolatuko den erakusketa batean parte hartu ahal izango du.

NTREGATZEKO AZKEN EGUNA: 2023ko MAIATZAREN 19a

SARTU OINARRI OSOETANDESKARGATU FITXA DIDAKTIKOA

Read More

XXII. Europari buruzko ikerketa saria Francisco Javier Landaburu UNIVERSITAS 2023

Deskribapena 

EuroBasquek 2001. urtean erabaki zuen, bere 50. urteurrena ospatzen ari zela, Ikerketa Sari bat sortzea, Francisco Javier de Landaburu Universitas izenaz, 1951n sortutako EuroBasqueko lehen Zuzendaritza Batzordeko kide eta Europako gaien aztertzaile eta intelektual nabarmenaren oroimenez. Sari hau urtero deitzen da eta bere helburua da:

  • Deialdia egiten den unean herritarrentzat interesgarrienak diren Europako gaurkotasuneko alderdiei buruzko azterlanak eta hausnarketak sustatzea;
  • Ikerlariak animatzea aztergaia Europako integrazio-prozesuan zentratzera
  • EBren etorkizunari buruzko eztabaida bizirik mantentzen laguntzea, gure ekonomia, gizarte eta antolaketa politikoan gertatzen ari diren aldaketa handiei aurre egiteko prest egon daitezen.
  • EuroBasqueren nortasuna, xedeak eta jarduerak zabaltzea eta bere helburuak lortzen lagunduko duten ikerketak saritzea.

 XXII. Europari buruzko ikerketa saria Francisco Javier  Landaburu UNIVERSITAS 2023

  • Egiten duena: EuroBasque. Europako Mugimenduaren Euskal Kontseilua.
  • Partehartzaileak: Unibertsitateko titulazioa duten pertsona fisikoak, saria, bai norbanakoentzat, bai horretarako prestatutako lantaldeentzat.
  • Gaia: “DEMOKRAZIA EUROPAN” (ikusi oinarrietan)
  • Lana:  Ikerketa proiektu bat izango da. Sarituz gero, ikerketa proiektua saiakera gisa garatu beharko da, edozein ikuspegi zientifikotik, Europan demokraziak eta giza eskubideen defentsak dituzten erronkei buruzkoa, eta, besteak beste, estatuz azpiko erakundeen ikuspegia, euskal autogobernua, Europar Batasuna eta herritarrak barne hartzen dituena.
  • Hornikuntza:
    • LEHEN SARIA:  5.000 euro ikerketa-proiektu onenari.
    • GAZTE SARIA: Euskal unibertsitate-sistemako gazte-saria: 2.000 euro, ikerketa-proiektua entregatzen den egunean (2023ko apirilaren 17an) 35 urte edo gutxiago dituen gazte baten ikerketa-proiektu bat.
    • AKZESITA: 2.000 euro, epaimahaiak hautatutako ikerketa-proiekturako..

 AURKEZTEKO EPEA  2023ko maiatzak 17.

Read More

Jardunaldia: Ekintzaren unea da: Europaren etorkizunaren konferentziaren ondoren zer? Herritarren proposamenak poliketan bihurtuz

EuroBasquek eta Europe Direct Bizkaiak “Ekintzaren unea da: Europaren etorkizunaren konferentziaren ondoren zer? Herritarren proposamenak poliketan bihurtuz” jardunaldia ospatuko dute.

Ekitaldia 2023ko martxoaren 21an, asteartea, izango da Beaz Bizkaiako Creative Hall-ean (Bilbo), arratsaldeko 18:00-tan hasi eta 20:00etan amaituko da.

Edukiera arrazoiak direla eta, ezinbestekoa da etorrera baieztatzea marxoaren 19a baino lehen.

JARDUNALDIAREN EGITARAUA

IREKIA: Irune Zuluaga. EuroBasque Presidentea

LIBURU AURKEZPENA: ““Europar Batasunaren etorkizuna: Euskaditik ikuspegia. Konferentziari ekarpenak” – Igor Filibi. EuroBasqueko Idazkari Nagusia

MAHAINGURUA ETA EZTEBAIDA: Moderadora Itziar Fernández Marrón. Europe Direct Bizkaiaren arduraduna

  • ANIZTASUNEAN BAT EGINIK?. Erramun Osa. Euskaltzaindiako Idazkariordea.
  • GENERO-IKUSPEGIDUN EKINTZAILETZA: BERDINTASUNEZKO EUROPAR BATASUNA ERAIKITZEKO BEHARRAK ETA PROPOSAMENAK. Miren Lauzirika. EmakumeEkin, Euskadiko Emakume Ekintzaile eta Enpresaburuen Elkarteko presidentea.
  • EUROPAR EKIMEN HIRITAR “PLUS”A SORTZEA. Javier Uncetabarrenechea. Nazioarteko Harremanetako irakasle titularra UPV/EHU.

AMAIERA.Ondoren, aperitibo bat zerbitzatuko da.

IZENA EMATEA

JARDUNALDIAREN EGITARAUA

 

Read More

EuroBasque 2022ko XVI. FJL Primus Sariaren epaimahaiaren akta

EuroBasque 2022ren FJL Primus Sariaren Epaimahaia UPV/EHU-ko Ekonomiaren Fakultatean, Elkanoko sekzioan, bildu da 2022ko ekainaren 28an, 16:00 tan.

Epaimahaiak, aurkeztutako lan guztiak aztertu eta baloratu ondoren, lehiakide guztiak eskertu eta zoriontzea erabaki du, eta honako lan hauek saritu ditu aho batez: Lan hauek oso ondo adierazten dute Europako proiektuaren balio nagusiak

Lehenengoak Ukrainako guerra egoera islatzen du, baina kontinentean esnatu duen erantzun solidario izugarria du ardatz. Bigarren lanak Batasunaren barruan aniztasuna errespetatzearen beharra azpimarratzen du.

Epaimahaiak beste bi marrazki ere nabarmendu nahi ditu, kalitateagatik eta originaltasunagatik.

EuroBasque 2022ko XVI. FLJ Primus Saria

Read More