Deskribapena:

Nazioarteko ordenaren ezegonkortasun gero eta handiagoa, Estatu Batuen urruntzeak, arau multilateralen zalantzan jartzeak, hertsaduraren eta indarraren erabilerak eta eragile global emergenteek egindako presio geopolitikoak markatutakoak, EB bultzatu du balio, interes eta ikuspegi komunak partekatzen dituzten antzeko pentsamoldeko bazkideekin aliantzak sendotzera.

Testuinguru honetan, Latinoamerika lehentasunezko bazkide estrategiko gisa agertzen da: bi eskualdeek demokraziarekiko, zuzenbide-estatuarekiko, giza eskubideekiko, ingurumen-iraunkortasunarekiko eta multilateralismo eraginkorrarekiko konpromisoa partekatzen dute. Barne-aniztasunak ezaugarrituta, Europar Batasuna (EB) eta Latinoamerika eskualdeen arteko harremanaren birkonfigurazio une erabakigarri batean daude.

Merkataritza eta politika akordioen berraktibazio berriak, hala nola Mercosur, Mexiko eta Txilekin egindako akordioen modernizazioak eta EB-CELA esparruaren biziberritzeak, aukera eskaintzen dute lankidetza politikoa, trantsizio berdea, digitalizazioa eta oparotasun partekatua uztartzen dituen agenda komun bat sakontzeko.

Uda Ikastaro honek EB-Latinoamerika harremanen fase berri honen analisia eta ebaluazioa eskaintzen ditu, ikuspegi juridikoak, politikoak eta ekonomikoak konbinatuz. Ikastaroak, halaber, aliantza estrategiko honek EAErentzat eskaintzen dituen eragina eta aukerak aztertuko ditu, bai nazioartekotze ekonomikoari eta lankidetza teknologikoari dagokionez, bai Latinoamerikako hainbat herrialderekin dituen lotura historiko eta kulturalak sendotzeko orduan. Bi eskualdeetako adituek parte hartuko dute ikastaroan, EBren kanpo-ekintzako lehentasunezko arloetako baten ikuspegi orokorra eta eguneratua emateko.

 

Ikastaroaren helburuak:

1. EBren eta Latinoamerikaren arteko harremanen azken bilakaera aztertzea, EBren nazioarteko ekintzan duten garrantzi gero eta handiagoa eta multilateralismoa eta balio demokratiko partekatuak defendatzeko duten eginkizuna azpimarratuz.
2. Eskualdeen arteko lankidetza-akordio eta -esparru nagusien ondorio politiko, juridiko, ekonomiko eta geoestrategikoak aztertzea, baita trantsizio berde eta digitalean duten eragina ere.
3. EAErentzat harreman horiek sendotzeko aukera zehatzak identifikatzea, arreta berezia jarriz enpresen nazioartekotzean, lankidetza akademiko eta teknologikoan eta Latinoamerikarekin dituzten lotura historiko eta soziokulturaletan.

 

MATRICULATU HEMEN

DESKARGATU HEMEN IKASTAROAREN EGITARAUA

 

Zuzendariak: Igor Filibi y Beatriz Pérez de las Heras (EuroBasque)
Miramar Jauregia / Palacio de Miramar, 2026ko ekainaren 29an eta 30ean

Read More

Parte-hartzaileak:

Juan José Álvarez:

Euskal Herriko Unibertsitateko (EHU) Nazioarteko Zuzenbide Pribatuko katedraduna, GLOBERNANCEko (Gobernantza Demokratikorako Institutua) idazkaria, EUROPAKO BATZORDEAN aditua (Justizia, Askatasun eta Segurtasuneko Zuzendaritza Nagusia), 2007an, eta gaur egun Justizia Zibilaren, mugen, datu pertsonalen babesaren eta segurtasun-eremuen arloetan jarraitzen du. eAtlantic Fundazioko ikertzaile nagusia eta JAKIUNDEko lehendakariordea.

Ramón Jauregui:

Ingeniari teknikoa eta abokatua. Eusko Jaurlaritzako Justizia eta Lan sailburua, Eusko Jaurlaritzako lehendakariordea, Gobernuaren Euskadiko ordezkaria, Euskadiko UGTko idazkari nagusia, Donostiako Udaleko zinegotzia, Lehendakaritzako ministroa eta Europako Parlamentuko diputatua izan zen.

---

Europako Erkidegoak oso eredu arrakastatsuak izan ziren kontinenteko gerra saihesteko eta luzaroan etsai izan ziren herrialdeen arteko konfiantza-giroa sortzeko. Hala ere, mundua asko aldatu da ordutik, eta Europako proiektua eguneratu eta egungo erronketara egokitu behar da.

Europak kanpoko erronka handiak ditu aurrez aurre, baina baita barrukoak ere. Kanpoan, potentzia handiek gero eta indar handiagoa hartzen dute beren helburu politikoak eta aliatu zaharrak lortzeko, hala nola AEBak urrundu egiten dira eta Europa mehatxatu ere egiten dute. Barruan, ezberdintasun ideologikoek eta polarizazio politikoak Europar Batasunaren ereduari buruzko adostasun politikoa mehatxatzen dute.

Zer egin behar du Europar Batasunak munduko ordena berri honetan? Nola lor daiteke benetako autonomia estrategikoa eta Europaren subiranotasuna alderdi kritikoetan? Nola defenda ditzake Europak bere eredua eta interesak munduan? Berreskuratu al dezake Europak paper bat munduko arazo handietan?

---

Eguna:

2026ko maiatzak 13

Ordua:

18:00etan

Lekua:

Bizkaiko Batzar Nagusietako Areto Nagusia
(Hurtado de Amezaga kalea 6, 48008, Bilbao)

Aurkezlea eta moderatzailea:

Olatz Barriuso. Periodista, El Correo

Antolatzaileak:

 

Deialdi honi buruzko zalantza edo kontsultarik izanez gero, jarri harremanetan e-mailbidez eurobasque@eurobasque.eus -ra idatziz.

Read More

Europaren Eguna dela eta, EUROPE DIRECT Bizkaia-tik eta Eurobasque-rekin elkarlanean, kalera aterako gara beste urte batez, Europa herritarrei gerturatzeko asmoz.

Bilboko kale batzuetatik ibiliko gara txu txu trenean, eta geldialdi batzuk egingo ditugu nahi duten pertsonek igo eta jaitsi daitezen.

Geldialdi bakoitzean, besteak beste, Europako programa nagusiei, gazteentzako mugikortasun programei, Europako balioei eta lankidetza ekimenei buruzko informazioa eskainiko da.

Jarduera honen helburua zera da: Europar Batasuneko balioak eta programak modu atsegin, ludiko eta hurbilean zabaltzea.

Trenak ibilbide bera egingo du datorren larunbatean, maiatzaren 09an. 11:00etan abiatuko da San Nikolaseko autobus geltokitik. Bilboko Kale Nagusiko 62. zenbakian egingo du lehen geldialdia. Ondoren, abiapuntura itzuliko da, eta handik berriro ekingo dio ibilbideari. Trenak 14:00etan utziko dio zirkulatzeari.

Proposamen honekin, ikusgarritasuna eman nahi diogu Europaren Egunari, eta Europar Batasunaren inguruko ezagutza sustatu nahi dugu modu erraz, inklusibo eta ludiko batean.

Zuen zain gaude!

Read More

2025ean ospatutako Europaren aldeko lehen Kontzertuak izan zuen harrera bikainaren ondoren, aurten berriro itzuliko gara Bilboko Elkarte Filarmonikora, EuroBasquek eta Bilboko Koral Elkarteak elkarlanean antolatutako beste kontzertu berezi eta ikusgarri batekin.

Maiatzaren 22an, 19:30ean, nazioarteko ibilbide sendoko bi musikari izango ditugu Philippe Raskin pianista eta Artur Kaganovskiy biolin-jotzailea, eta haiekin batera, 17 urte besterik ez duen Daniel Bertomeu gazte talentuduna.

Guztiek elkarrekin Europako musika-errepertorio onenaren aukeraketa erakargarri eta kalitate handikoa eskainiko dute.

Amaieran, bertaratutakoek eta bereziki haurrek artistekin argazkiak ateratzeko aukera izango dute, eta sorpresa zein opariak jasoko dituzte.

Helburua argia da: Filarmonikoa berriro betetzea. Zatoz lagunekin, familiarekin edo lankideekin. Ospa dezagun Europa musikaren bidez!

Read More

Europaren etorkizuna markatuko duen aurrekontua: 2028-2034 urte Anitzeko Finantza Esparrua.

2026ko maiatzaren 8an, EuroBasquek Europako Eguna ospatuko du Gasteizko Eusko Legebiltzarrean, Europar Batasunaren etorkizunerako eztabaida estrategikoenetako bati eskainitako goi-mailako jardunaldi baten bidez.

“EBko aurrekontu-eztabaidaren dimentsio estrategikoa: 2028-2034 urte Anitzeko Finantza Esparrua”.

Gaur egun, Europako Batasuna hurrengo zazpi urteetarako aurrekontua zehazteko prozesuan dago, non lehentasun politiko eta finantzario nagusiak definitzen ari diren.

Testuinguru horretan, EuroBasquek ekimen hau sustatzen du eztabaida Eusko Legebiltzarrera eta euskal gizartera hurbiltzeko, analisi estrategikorako espazio bat eskainiz.

Gogorarazten da ekitaldira joateko ezinbestekoa dela aldez aurretik inprimaki bidez izena ematea, bai eta NAN bidez identifikatzea ere. Bi baldintza horiek ezinbestekoak dira Eusko Legebiltzarrean sartzeko.

 

EKITALDIAREN KARTELA IKUSI

EKITALDIAREN EGITARAUA IRAKURRI

 

Hasiera / Inaugurazio instituzionala

12:30

Hitzaldiak

12:40

Amaiera

14:00

Hizlariak

– Eider Gardiazabal Rubial
– Isabel Benjumea Benjumea

Moderatzailea

Beatriz Pérez de las Heras

 

Bertara joan nahi baduzu, izena eman dezakezu INPRIMAKI honetan

Jardunaldihoni buruzko zalantza edo kontsultarik izanez gero, jarri harremanetan e-mailbidez eurobasque@eurobasque.eus -ra idatziz.

Antolatzaileak eta laguntzaileak:

Read More

EuroBasquek, UPV/EHUko Udako Ikastaroen Fundazioaren (UIK) laguntzarekin antolatutako 2025eko Udako Ikastaroan izan ziren hitzaldi interesgarriak partekatzen ditugu gure Youtubeko kanalean. Jardunaldi hauek “Bakearen eta Europar Batasunaren eginkizunaren ikuspegiak mundu multipolarrean: Brasil, Rusia, Mendebaldeko Africa, India, Pakistan eta Estatu Batuak” izenburupean ospatu zirenak uztailaren 3an eta 4an Miramar Jauregian (Donostia).

 

Hona hemen ekitaldiaren informazioa:

Lehenengo egunean zehar, hizlari hauek entzun ahal izan genituen: Juca Ferreira (Brasilgo Kultura – Ministro ohia) “Latinoamerikako eta Karibeko bakearen pertzepzioa: Brasilen ekarpena” hitzaldiarekin, Pavel K. Baev (Ikerketa irakaslea Osloko Bake Ikerketa Institutuan (PRIO)) “Errusiako bake pertzepzioak” hitzaldiarekin, Levinia Addae-Mensah (Zuzendari Exekutiboa Mendebaldeko Afrikako Bakearen Eraikuntzarako Sarean (WANEP)) “Bakearen ikuspegiak Mendebaldeko Afrikan: testuinguru-errealitateak, indigenen ereduak eta intersekzio globalak” hitzaldiarekin eta Shubhra Kumari (Indiako Enbaxadan Kultura Burua) “Indiako ikuspegiak” hitzaldiarekin.

Hitzaldi huek amaitu era gero, eztabaida bat entzun eta ikusi genuen “Bakea bazterretatik” izeneko mahai-inguruan.

Bigarren egunean hitzaldi hauetaz gozatu ahal izan genituen: “Diplomazia Zientifikoa eta Bakea: Ikuspegi bat Pakistandik” Muhammad Adeel-en eskutik (Bigarren idazkaria Pakistango Bruselako enbaxadan), “Bake gorria vs. bake urdina”,  Xabier Irujo Ametzaga-ren eskutik (Euska Ikasketetarako Zentroko zuzendaria eta irakasle titularra, Nevadako Unibertsitatea, Reno) eta “Europar Batasuna eta Bakea mundu multipolar batean”  Mira Milosevich-en eskutik (Bekadun nagusia Errusian, Eurasian eta Balkanetan, Elcanoko Errege Institutuan).

Kontsultatu egitaraua eta ikastaroaren informazio osoa UIKren webgunean

Udako Ikastaroko hitzaldi guztiak ikusi eta entzun gure youtube-ko kanalean

EuroBasquek antolatutako udako ikastaro hau UIK (Udako Ikastaroen Fundazioa), Gipuzkoako Foru Aldundia, Bizkaiko Foru Aldundia, Eusko Jaurlaritza eta Eusko Legebiltzarrarekin elkarlanean egin zen.

Read More