EuroBasqueko presidenteak atsegin handiz gonbidatzen ditu III. ekitaldiaren amaierako ekitaldira. MEU BASQUE COUNTRY 2022, apirilaren 8an, 12: 30ean, EHUko Ingeniarien Eskolan. Jarraian, eguneko programarekin bat gatoz.
Edozein kontsulta egiteko: jardunaldiak@eurobasque.eus
2021eko irailaren 29an, José María González Zorrilla, EuroBasqueren Ohorezko presidente izendatua zuten Gernikako Euskal Herria Museoan ospatu zen Ohiko Bilkura Nagusian.
José Marik 20 urtetik gora eman ditu EuroBasquen presidente moduan izugarrizko lana egiten eta EuroBasque gaur den think tank europarrari bultzada sendoa emanez.
Eskerrik asko José Mari.
Bakartxo Tejeria Eusko Legebiltzarburua, eta Eva Ferreira UPV/EHUko errektorea ekitaldiaren hasieran izango dira, 8 eta 9an Miramar Jauregian ospatuko dena.
Donostia-San Sebastián, 2021eko uztailaren 7an.
UPV/EHUko Udako Ikastaroa Europar Batasunaren etorkizuna: ikuspegi bat Euskaditik. Konferentziari egindako ekarpenak, bihar ostegura, hilak 8, eta etzi, ostirala, hilak 9, izango da, EuroBasque-k antolatuta. Hamar aditu inguru izango ditu, EBren egungo erronkei buruz duten ikuspegia partekatuko dutenak. Europako Berreskuratze Funtsak, Europaren etorkizun federala eta Europaren Etorkizunari buruzko Konferentzia ere topaketan jorratuko dira. Indarrean dauden osasun-neurri guztiak betez, EuroBasque pozik dago bere proposamenak jaso duen erantzunarekin: aurreikusitako 40 plaza baino gehiago bete dira. Miramar Jauregia Europar Batasunaren orainaz eta etorkizunaz eztabaidatzeko foro bihurtuko da bihar eta etzi.
Ikastaroa Irune Zuluagak EuroBasque-ko presidentea aurkeztuko du, Eva Ferreira UPV/EHUko errektorea eta Bakartxo Tejeria Eusko Legebiltzarburuaren babesa izango duela. Lehenengo blokeak Europar Konferentzia izango du izpide. Ekimen honek Europako herritarrei Europaren etorkizunari buruzko eztabaidetan parte hartzeko deia egiten die lehenengo aldiz. Europaren Etorkizunerako Konferentzia Maiatzaren 9an Estrasburgo hirian inauguratu zen, eta 12 hilabetez luzatuko da EB osoan. Lau diputatu ordezkatzen dituzte Espainako Gorte Nagusiak Konferentzia honetan, horien artean Josune Gorospe (EAJ-PNV), ikastaroan ostegunean parte hartuko duena. Euskal partehartzea Eusko Jaurlaritzak eta EuroBasque-k bideratzen dute, eta horretarako ikastaro honetaz gain, duela bi aste Bilbon hasitako Bost Erronka, Europa Bat hitzaldi zikloa antolatu da.
Udako ikastaroan Europa Berreskuratzeko Plana ere landuko dute Lara Lázaro Touza (Real Instituto Elcano) trantsizio ekologikoan adituak (Real Instituto Elcano) eta Igor Calzada (Oxford-eko Unibertsitatea) digitalizazioan adituak
Bi egunetan zehar erakunde anitzak bilduko dira ikastaroan, hala nola Europako Parlamentua, Espainako Diputatuen Kongresuak, Espainiako Europako Mugimendu Federala, EUDEL, Akitania-Euskadi-Nafarroa euroeskualdea edo Eusko Ikaskuntza. Beste unibertsitateko aditu batzuekin batera, Igor FIlibi (UPV/EHU) eta Beatriz Pérez de las Heras (Deustuko Unibertsitatea), EuroBasque-ko Zuzendaritza batzordeko kideak eta ikastaroko zuzendariak izango dira.
EuroBasque-Europako Mugimenduaren Euskal Kontseiluari buruz
EuroBasque-Europako Mugimenduaren Euskal Kontseilua, gizarte zibilaren elkarte bat da, 40ko hamarkadan sortua. Hirurogeita hamar urte geroago, Europar Batasunean Euskadiren etorkizunari buruzko eztabaida bultzatzea du helburu, oraindik ere. Bere Zuzendaritza batzordean EAJ-PNV, EH Bildu, PSE-PSOE, PP+Cs eta Elkarrekin-Podemos alderdietako ordezkariak daude.
Bost Erronka, Europa Bat zikloa, Europaren Etorkizunari buruzko Konferentzian Euskadiren parte-hartzea sustatzen du, eta joan den ekainaren 22an hasi zen Bilboko Euskalduna Jauregina, ekonomia izpidea zuen jardunaldi batekin. Hurrengoa, azaroan 5ean Donostian ospatuko dena, “Europa geopolitikoa: menpekotasunatik autonomia estrategikora” izenburua izango du.
Udako ikastaroa: Uztailak 8 eta 9, Miramar Jauregia, Donostia
Ikastaroaren gaia eta helburuak:
Europar Batasuneko (EB) herritarrak, gizarte zibila eta erakundeak EBren etorkizunari buruzko eztabaida sakonean murgilduta daude, Europaren etorkizunari buruzko Konferentziak ezarritako foroan, zeina COVID-19ren pandemiak atzeratu duena.
Biltzarraren helburua da Europaren etorkizunari buruzko eztabaidarako foro bat eskaintzea herritarrei, EB epe ertain eta luzera garatzeko garrantzitsuak diren gaiei buruz. Gai horien artean daude Europako ekonomia- eta gizarte-sistemaren etorkizuna, jasangarritasuna, klimaren babesa, berrikuntza, eraldaketa digitala eta EBren funtsezko balioak. Biltzarrak, halaber, herritarren proposamenak Europako politika eta arauetan txertatzeko aukerak aztertuko ditu.
-> KONTSULTATU PROGRAMA ETA INFORMAZIO GEHIAGO.
EuroBasquek antolatutako udako ikastaro honen helburu nagusia da gogoeta sustatzea eta ideia eta proposamenak sortzea, EBk gaur egun dituen erronka anitzak eta garrantzitsuak jorratzeko. Horien artean:
Zuzendariak:
Ehun lagun baino gehiago bildu du jardunaldiak, Europar funtsak Euskadiko transitzio ekologikoa eta digitalerako erabiltzeari buruz haunsnarketa bultzatu duena
Bilbao, 2021ko ekainaren 22a.
EuroBasque-Europako Mugimenduaren Euskal Kontseiluak antolatu duen Bost Erronka, Europa Bat hitzaldi zikloa hasi da gaur goizean Bilboko Euskalduna Jauregian, “Europako Berreskuratze Plana: krisiari erantzun federala” jardunaldiarekin. Eusko Jaurlaritzako Kanpo Harremanetarako Idazkaritza, Direct Europe eta UPV/EHUko laguntzarekin, ekonomian, trantsizio berdea eta eraldaketa digitaleko lehen mailako hamar adituk parte hartu dute ekitaldian.
Bertaratu diren ia 150 lagunek Europar Batasunak bultzatutako Europako funtsen 800.000 milioi euro baino gehiagok euskal digitalizazioari eta ekonomia berdeari eman diezaieketen aukerei buruz hitz egin dute. 85 pertsoneko edukiera osatuz eta 70 baino gehiago streaming bidez ekitaldiari jarraituz, parte-hartzaileen artean erakundeetako ordezkariak, akademikoak eta gizarte zibileko hainbat erakundeak izan dira, bai eta parte hartu nahi izan duten herritarrak.
Eusko Jaurlaritzako Ekonomiako eta Europako Futsetako sailburuordea Jordi Campàs-en aburuz, “aukera historikoa dugu inbertsioa berriz ere hazkunde-motor gisa bultzatzeko, eraldaketa energetiko-ekologikora eta digitalera bideratuz”. Europako Parlamentuko Komunizakio Zuzendari nagusia Jaume Duch-ek EB etorkizuna sektore ekonomiko batzuk eguneratzearekin etorri behar izango dela azpimarratu du, krisiek aukerak sortzen dituztela aipatuta.
Bestalde, Ignacio González Vázquez Europako Batzordeko Ikerketa Zentro Beteratuko taldeen koordinatzaileak NextGeneration EU planak arrakasta izan dezan erakundeen arteko lankidetzaren garrantzia nabarmendu du, eta baita ere Eusko Jaurlaritzak horren kudeaketan jokatuko duen papera. Estatu mailan, Europako funtsen inbertsioaren %40a sektore ekologikora bideratuko da eta %28ª eraldaketa digitalera.
Europaren Etorkizunerako Konferentzia
Bost Erronka, Europa Bat zikloa EuroBasque eta Eusko Jaurlaritzaren arteko lankidetza da, Euskadin Europaren Etorkizunerako Konferentzia ekimenean parte-hartzea bultzatzeko sortuta. Konferentzia hau, maiatzaren 9an Estrasburgo hirian inauguratu zen, eta 12 hilabetez luzatuko da. Lehen aldiz Europako herritarrak eta gizarte zibila deitua izan da EBren etorkizuna birdefinituko duen eztabaidetan parte hartzera, bai eta iritziak eta proposamenak adieraztera. Gogoetaren emaitza, Euskadin EuroBasquek bultzatuta eta bideratuta dagoena, euskal ekarpenaren oinarria izango da konferentzia honetan, eta txosten eta hainbat argitalpenetan jasoko da.
Irune Zuluaga, EuroBasqueko zuzendaria, herritarrak animatu ditu parte hartzera Bost Erronka, Europa Bat ekimenean, “euskaldunen ahotsa, aberatsa, anitza, Europako Konferentzian jaso dadin”, eta 1948. urtean antolatutako Europako Kongresuan euskal delegazioaren parte-hartzea gogoratu du, non Agirre Lehendakaria burua izan zen. Zuluagaren aburuz, “euskal gizarteak, beldurrak itxaropenarekin eta erronka globalak irtenbide komunitarioekin ordezkatzeko gai izango den Europaren bultzatzailea izan behar du berriro”.
EuroBasque-Europako Mugimenduaren Euskal Kontseiluari buruz
EuroBasque-Europako Mugimenduaren Euskal Kontseilua, gizarte zibilaren elkarte bat da, 40ko hamarkadan sortua. Hirurogeita hamar urte geroago, Europar Batasunean Euskadiren etorkizunari buruzko eztabaida bultzatzea du helburu, oraindik ere. Bere Zuzendaritza batzordean EAJ-PNV, EH Bildu, PSE-PSOE, PP+Cs eta Elkarrekin-Podemos alderdietako ordezkariak daude.
Lehen jardunaldi tematiko honetan ekonomia izan da ardatza, eta datozen hilabeteetan beste hiru jardunaldi egingo dira, hiru herrialde historikoetan ospatuko direnak. Bertan parte-hartu ahal izango da aurrez aurre eta baita modu telematikoz ere. Hurrengo jardunaldia, urrian, Donostian izango dena, “Europa geopolitikoa: menpekotasunatik autonomia estrategikora” izenburuarekin.
EuroBasque 2021ren FJL Primus Sariaren Epaimahaia baliabide telematikoen bidez bildu da 2021ko ekainaren 7an, 09:00 tan.
Epaimahaiak, aurkeztutako lan guztiak aztertu eta baloratu ondoren, lehiakide guztiak eskertu eta zoriontzea erabaki du, eta aho batez saritzea. Horrez gain, aipamen berezia merezi duten beste batzuk nabarmendu ditu, duten kalitateagatik eta originaltasunagatik.
EuroBasquek, Europe Direct Bizkaia, Eusko Jaurlaritzako Kanpo Harremanetarako Idazkaritza Nagusia eta UPV/EHUko Ekonomia eta Enpresa Fakultatearen laguntzarekin, ekainaren 22an, asteartea, 9:00etatik 14:00etara “Europako Berreskuratze Plana: krisiari Erantzun Federala” jardunaldia antolatu dugu.
Honako hauek parte hartzen dute, besteak beste: Marian Elorza (Eusko Jaurlaritzako Kanpo Harremanetarako idazkari nagusia), Jaume Duch (Europako Parlamentua), Anne Karjalainen (Eskualdeetako Komitea), Jordi Campàs (Eusko Jaurlaritzako Ekonomia eta Europako Funtsen sailburuordea), Andreas Eisl (Jacques Delors Institutua) eta Cristina Oyón (SPRIko Berrikuntza eta Iraunkortasuneko zuzendaria).
Programa adituen bi mahaitan egituratuko da. Mahai horiek honako ardatz hauek izango dituzte:
• Next Generation EU berreskuratzeko plana: aukera bat Euskadirentzat eta kohesiorako.
• Trantsizio ekologikoa eta eraldaketa digitala.
Izena emateko inprimakia streaming bidez jarraitzeko.Ekitaldiaren aurretik, posta elektroniko bat jasoko duzu, jardunaldia zuzenean jarraitzeko estekarekin. Esteka hau sarbide bakarrekoa da eta pertsona bakar batek erabili ahal izango du.
HEMEN PROGRAMARAKO ESTEKAEUSKO JAURLARITZAREN PRENTSA OHARRA
Ander Gurrutxagak eta Auxkin Galarraga jaunek Francisco Javier Landaburu Universitas 2021 EuroBasque Sariaren lehen saria jaso dute, “Belaunaldien arteko erreleboa Europan: enplegua, prestakuntza eta lotura sozialak ” ikerketa proposamenarik.
Europako belaunaldien arteko erreleboa aztertzearen egokitasuna azpimarratu du epaimahaiak Europako biztanleriaren zahartzea eta baldintzei buruzko datu kezkagarriak Europako gazteen bizitza eta etorkizuneko eszenatokiak direla eta. Epaimahaiak oso balorazio ona egin du egileek ez diagnostiko bat eskaintzeaz gain, hainbat ekarpen egingo dituztelako, izan ere, gazteek beren bizi-ibilbidea sortzeko behar dituzten aukerak zabaltzeko proposamen berritzaileak aztertuko ditu lanak.
Halaber, epaimahaikideeak Accesit sari bi aitortu ditu, izan ere:
Azkenik, epaimahaiak erabaki du Euskal Unibertsitate-Sistemako Ikertzaile Gaztearen Sariarekin saritzea Andoni Montes Nebreda eta Jorge Moreno Membrillera jaunek aurkeztutako proposamena: “Trantsizio ekologikoa azkartzea: Europako zerga-zutabea”.
Proposamenak Europako ingurumen-politika fiskalaren azterketa bat planteatzen du, mugako karbono-doikuntza mekanismoarena, bideragarritasun eta potentzial handiena duelako. Epaimahaiak nabarmendu duenez, egileek, diziplinarteko ikuspegi batetik abiatuta, ekarpenak egingo dituzte Europako zerga-sistema berdeari buruzko azterketa- eta proposamen-ikuspegi berriak garatuz, balioespen eta proiekzio propioak eta ebaluazio desberdinak egiteko erabili ahal izango direnak gaur egun Europan eztabaidatzen ari diren politika publikoen proposamenen inguruan.
Lan sarituak argitaletxe ezagun baten monografiko batean argitaratuko dira.
Zorionak irabazleei eta eskerrik asko parte hartu duzuon guztioi EuroBasquen izenean.
Bilbo, 2021eko maiatzaren 19a. EuroBasquek “Segurtasunaren eta Defentsaren Batasuna: etorkizuna hemen da” liburua aurkeztu du Dykinson argitaletxearekin, EuroBasquek eta UPV/EHUko Ekonomia eta Enpresa Fakultateak -Elkano- formatu birtualean antolatutako jardunaldi batean.
Liburuak EuroBasqueko Francisco Javier Landaburu Unibertsitateen Europari buruzko XIX. Ikerketa Sariaren ekarpenak biltzen ditu, “Segurtasunaren eta defentsaren politika bateratua Europar Batasunean” gaiari buruzkoak: María Eugenia López-Jacoiste, Lucas J. Ruiz Díaz eta Javier Fernández Rojo. Era berean, Mikel Anton Eusko Jaurlaritzako Europako Gaietarako zuzendariak, Patxi Aldecoa Luzarraga, Beatriz Pérez de las Heras, Mariola Urrea Corres eta Jose Luis de Castro ikertzaileek eta Igor Filibi EuroBasqueko idazkari nagusiak egindako ekarpenak biltzen ditu liburuak.
Argitalpenaren ardatza Europar Batasuneko segurtasun- eta defentsa-politika da. Azken aldi hauetan aldaketa garrantzitsuak izan ditu, bai operatiboak bai estrategikoak, segurtasunaren arloko erronkei aurre egiteko eta Batasunak herritarrek erantzun handiagoa izan dezaten eskatzeko.
Horrela, Europako defentsa-politika baterantz aurrera egitea EBren kanpo-politikarako ikuspegi zabalago baten alderdi kritiko bihurtu da, nahiz eta EBko estatu kideen arteko segurtasun- eta defentsa-lankidetza beti izan den gai konplexuenetako bat agenda komunean. Europako integrazio-prozesu osoan, Segurtasunak eta, batez ere, Defentsak ez zuen inoiz hain leku garrantzitsua izan Erkidegoko Agendan.
Liburu honetan diziplina anitzeko lanak aurkitu ahal izango dituzte, Datuak Babesteko Planaren gaur egungo dimentsio eta erronkei buruzko hausnarketa adituak jasotzen duen dimentsio hirukoitzari buruzko ideiak eta ezagutza emateko; izan ere, 2016tik gaurdaino izan duen bilakaera garrantzitsua da, oraindik zalantzazkoa bada ere, proiektu europarra nazioz gaindi integratzeko bidean, segurtasuna eta defentsa bezalako gai kritiko batean.
“Gurinezko mendien Europa hura” lanarekin irabazi du Irune Lasak EuroBasqueren, Europako Mugimenduaren Euskal Kontseiluaren 2020 Kazetaritza Saria prensa idatziaren sailean. Berria egunkarian argitaratu zen lana 2020ko azaroaren 8an.
Artikulu honek Europa nekazaritza-sektorean integratzeak duen garrantziaz dihardu, eta, bereziki, Europar Batasunak Nekazaritza Politika Bateratuaren (NPB) beharrezko erreformari dagokionez duen erronka planteatzen du. Saritutako lanak Europar Batasunaren sorreratik azken erreformara arteko errepaso kronologikoa egiten du, eta nekazaritza-sektorearen bilakaera nabarmentzen du, bai eta Europako nekazaritza-politikaren esparruan izan behar duen lekua ere.
Gainera, epaimahaiak gai horrek Euskadin sektorean duen garrantzia azpimarratu du. Halaber, nekazaritza-sektorearen garrantzi estrategikoa baloratu du epaimahaiak, elikagaien ekoizpena bermatuz eta Europar Batasunaren independentzia estrategikoa indartuz. Era berean, landamunduak kultura aldetik askotarikoa eta ingurumenaren aldetik jasangarria den Batasunari egindako ekarpena azpimarratzen da, bai eta Europako paisaiak mantendu eta zaintzeari egindako ekarpena ere.
Irune Lasa Astigarraga kazetaria, informazio zientzietan lizentziatua da Euskal Herriko Unibertsitatetik (1997). Ikasle garaian Zarauzko Telebistan kolaborazio batzuk egin zituen baina, euskarazko prentsa idatzian egin du bere ibilbidea. Euskaldunon Egunkaria-n jardun zen, batez ere ekonomiari buruzko gaiekin. Berria egunkarian beste zenbait sailetan ere aritu da, besteak beste, Igandea gehigarrian. Gaur egun Ekonomia saileko kazetaria da Berrian.
Lan saritua egileak berak aurkeztuko du maiatzaren 10an, 11:30etan Eusko Legebiltzarreko Tomas Moro Aretoan EuroBasquek egingo duen ekitaldi batean.
(ES) 
