EuroBasquek 2001. urtean erabaki zuen, bere 50. urteurrena ospatzen ari zela, Ikerketa Sari bat sortzea, Francisco Javier de Landaburu Universitas izenaz, 1951n sortutako EuroBasqueko lehen Zuzendaritza Batzordeko kide eta Europako gaien aztertzaile eta intelektual nabarmenaren oroimenez.
Sari hau urtero deitzen da eta bere helburua da:
- Deialdia egiten den unean herritarrentzat interesgarrienak diren Europako gaurkotasuneko alderdiei buruzko azterlanak eta hausnarketak sustatzea;
- Ikerlariak animatzea aztergaia Europako integrazio-prozesuan zentratzera
- EBren etorkizunari buruzko eztabaida bizirik mantentzen laguntzea, gure ekonomia, gizarte eta antolaketa politikoan gertatzen ari diren aldaketa handiei aurre egiteko prest egon daitezen.
- EuroBasqueren nortasuna, xedeak eta jarduerak zabaltzea eta bere helburuak lortzen lagunduko duten ikerketak saritzea.
XXV. Europari buruzko ikerketa saria Francisco Javier Landaburu UNIVERSITAS 2026
- Egiten duena: EuroBasque. Europako Mugimenduaren Euskal Kontseilua.
- Partehartzaileak: Unibertsitateko titulazioa duten pertsona fisikoak, saria, bai norbanakoentzat, bai horretarako prestatutako lantaldeentzat.
- GAIA: “EUROPAR BATASUNA ETA LATINOAMERIKA: ALIANTZA ESTRATEGIKOA MUNDU EZEGONKOR BATEAN”
- Lanak: Ikerketa proiektu bat izango da. Sarituz gero, ikerketa proiektua saiakera gisa garatu beharko da, edozein ikuspegi zientifikotik, eta “Europar Batasuna eta Latinoamerika: aliantza estrategikoa mundu ezegonkor batean” ikergaitzat dutenak.
Sariaren diru-hornidura honako kategoria hauetan bereiziko da:
- LEHEN SARIA: 5.000 euro ikerketa-proiektu onenari.
- GAZTE SARIA: Euskal unibertsitate-sistemako gazte-saria: 2.000 euro, ikerketa-proiektua entregatzen den egunean (2026ko apirilaren 10ean) 35 urte edo gutxiago dituen gazte baten ikerketa-proiektu bat.
- AKZESITA: 2.000 euro, epaimahaiak hautatutako ikerketa-proiekturako.
Argitaratzea:
Saritutako ikerketa-proiektuen emaitzak publiko egingo dira eta EuroBasquek eta UPV/EHUko Argitalpen Zerbitzuak batera argitaratutako Europa Bilduman zabalduko dira.
LANEN EPEMUGAK:
– Proposamen lanak aurkezteko: 2026ko apirilaren 10era arte
– Entsegua entregatzea (saritutako proposamenen kasuan): Azken eguna 2026ko urriaren 23an
